تاجر برادری کاصوبائی حکومت کو تین روزکا الٹی میٹم -
The news is by your side.

Advertisement

تاجر برادری کاصوبائی حکومت کو تین روزکا الٹی میٹم

کراچی : رینجرز کے اختیارات کو محدود کرنے کیخلاف کراچی تاجراتحاد سراپا احتجاج بن گئی، تاجر برادری نے صوبائی حکومت کو تین روز کے اندر رینجرز کے اختیارات بحال کرنے کا الٹی میٹم دیدیا، بصورت دیگر ہڑتال کرنے اور شہر کو بند کرنے کی دھمکی دیدی ہے.

تفصیلات کے مطابق تاجر برادری رینجرز اختیارات محدود کرنے کیخلاف سراپا احتجاج ہے اور سندھ اسمبلی کے مرکزی گیٹ پر دھرنا جاری ہے، احتجاج کے باعث پولیس الرٹ ہے اور واٹرکینن بھی موجود ہے، تاجروں کی احتجاجی ریلی کا آغاز پاکستان چوک سے ہو کر سندھ اسمبلی کے باہرختم ہوا جہاں تاجروں نے دھرنا دیا۔

کراچی تاجراتحاد کے رہنما عتیق میر نے خطاب کرتے ہوئے حکومت کو تین دن کا الٹی میٹم دیا، انہوں نے مطالبہ کیا کہ رینجرز کو مکمل اختیارات دیے جائیں ورنہ شہر کا امن پھر برباد ہوجایئگا، انہوں نے مطالبہ نہ ماننے پر ہڑتال کی دھمکی بھی دی۔
انھوں نے کہا کہ اختیارات میں تاخیر سے تاجروں اور صنعتکاروں میں شدید مایوسی پھیل رہی ہے، جس کے نتیجے میں تجارتی مراکز میں سناٹے چھاگئے ہیں.

انھوں نے حکومتِ سندھ کو خبردار کرتے ہوئے کہا کہ رینجرز اختیارات بحال نہ ہوئے تو تاجر برادری گورنر راج، ایمرجنسی یا فوج کو خوش آمدید کہنے پر مجبور ہوگی جس کی تمام تر ذمے داری سندھ حکومت پر عائد ہوگی.

تاجروں نے پاکستانی پرچم، آرمی چیف جنرل راحیل شریف اور ڈی جی رینجرزمیجرجنرل بلال کی تصویریں اور حکومت کیخلاف نعروں پر مبنی پلے کارڈز اور بینرز بھی اٹھا رکھےہیں اور رینجرز کے حق میں نعرے لگارہے تھے، اس موقع پر پولیس کی بھاری نفری نے سندھ اسمبلی جانیوالے راستے بند کردیئے جبکہ مظاہرین کومنتشرکرنے کیلیے واٹر کینن بھی طلب کرلیا گیا۔

Comments

comments

یہ بھی پڑھیں