The news is by your side.

Advertisement

کراچی کے تاجروں کا رینجرز کے اختیارات میں فوری اضافہ کا مطالبہ

کراچی: تاجروں نے حکومتِ سندھ سے مطالبہ کیا ہے کہ شہر میں سیکورٹی کی غیرتسلی بخش صورتحال کے پیشِ نظر رینجرز کو تفتیش کے تحت مجرموں کو 90روزہ تحویل میں رکھنے کے اختیارات بحال کئے جائیں۔

تفصیلات کے مطابق کراچی تاجر اتحاد کے چئیرمین عتیق میر کا کہنا تھا کہ کراچی کے تاجر حکومت سے مطالبے کرتے ہیں کہ رینجرز کے اختیارات میں فوری اضافہ کیا جائے۔

انہوں نے کراچی میں ڈکیتی، لوٹ مار، چوری اور مارکیٹوں میں تالہ توڑ گروپ کی بڑھتی ہوئی وارداتوں کے خلاف تشویش کا اظہار کرتے ہوئے وزیرِاعلیٰ سندھ سید مراد علی شاہ کی توجہ اس جانب مبذول کرواتے ہوئے کہا کہ جرائم کے سائے میں پلنے والے بدترین تھانہ کلچر کی نگرانی اور اصلاح کیلئے بھی رینجرز کو تھانوں کے معاملات میں مداخلت کا اختیار دیا جائے۔

تاجروں کا کہنا ہے کہ سیاسی مجرموں کو بچانے کیلئے حکومت کا رینجرز کو بے اختیار کرنا قابلِ مذمت ہے، اس لیے شہر میں انصاف اور قانون کی حکمرانی اور بالادستی قائم ہونے تک سندھ بھر میں رینجرز کی مستقل تعیناتی اور اختیارات تین سال کیلئے تفویض کئے جائیں۔


مزید پڑھیں : کراچی، رینجرزکےاختیارات میں 90 روزکی توسیع


یاد رہے کہ 17 اکتوبر کو  حکومت سندھ کی درخواست پر وفاقی  وزارت داخلہ نے رینجرز کے اختیارات میں نوے دن کی مزید توسیع کی تھی، اختیارات میں توسیع انسداد سہشت گردی ایکٹ کے تحت کی گئی۔

Comments

comments

یہ بھی پڑھیں