The news is by your side.

Advertisement

لاک ڈاؤن ، کراچی کے تاجروں کی آن لائن کاروبار چلانے کی درخواست

کراچی : شہر قائد میں تاجروں نے گورنر سندھ سے آن لائن کاروبار چلانے کی درخواست کرتے ہوئے مطالبہ کیا تاجروں کو پانچ لاکھ تک بلا سود قرضے بھی فراہم کئے جائیں۔

تفصیلات کے مطابق گورنر سندھ عمران اسماعیل سے کراچی کے تاجروں کے وفد کی ملاقات ہوئی ، ملاقات مین تاجروں نے اپنے مطالبات گورنر سندھ کو پیش کئے۔

تاجروں نے گورنر سندھ سے آن لائن کاروبار چلانے کی درخواست کرتے ہوئے کہا جب تک مارکیٹیں بندہیں آن لائن فروخت کی اجازت دی جائے اور 5لاکھ تک بلا سود قرضے بھی فراہم کئے جائیں۔

گورنر سندھ نے تاجروں کے مسائل کووفاق  اور وزیراعلیٰ کےسامنےرکھنےکی یقین دہانی کرادی ہے۔

دوسری جانب صوبائی وزیر ناصر شاہ نے بھی تاجروں سے ملاقات کیلئے رابطہ کرلیا اور وزیر اعلی سندھ سےملاقات کرانے کا عندیہ دیا ہے۔

تاجروں کا کہنا ہے کہ گورنر سندھ سے ملاقات کے بعد اگلے مرحلے میں ناصر شاہ سے ملاقات کریں گے، انتظامیہ مارکیٹیں اور کاروبار کو کھولنے کے لیے فوری فیصلہ کریں۔

خیال رہے کراچی کے تاجروں کی مارکٹیں کھولنے کے حوالے سے 48 گھنٹے کا وقت آج رات ختم ہورہا ہے، تاجروں نے د و روز قبل کمشنر کراچی اور ایڈیشنل کراچی کی درخواست پر دوکانیں کھولنے کے فیصلے کو دو دن کیلئے موخر کر دیا تھا۔

Comments

یہ بھی پڑھیں