The news is by your side.

Advertisement

کراچی، کارساز سے حسن اسکوائر اور کوریڈور تھری پر ٹریفک جام

کراچی: شہر کے مختلف علاقوں میں شدید ٹریفک جام کی وجہ سے شاہراہوں پر گاڑیوں کی قطاریں لگ گئی ہیں جس کے باعث شہریوں کو مشکلات کا سامنا ہے۔

تفصیلات کے مطابق کارساز سے حسن اسکوائرتک جانے والی شاہراہ پر سخت ٹریفک جام ہوگیا ہے جس کے باعث سینکڑوں گاڑیاں پھنس گئی ہیں۔

اس کے علاوہ آئی آئی چندریگرروڈ، میٹروپول، کوریڈورتھری میں بھی گاڑیوں کی لمبی لمبی قطاریں لگ چکی ہیں اور لوگوں کو شدید کوفت کا سامنا ہے۔

اسی طرح حسن اسکوائر سے کراچی یونیورسٹی جانے والی شاہراہ پر بھی شدید ٹریفک جام ہے، اس شاہراہ کی ازسرِ نو تعمیر کی وجہ سے ٹریفک کے بہاؤ کو دوسری سڑک کی جانب موڑ دیا گیا ہے جس کی وجہ سے ٹریفک جام رہنا معمول کی بات بن گئی ہے۔

شہریوں کی کہنا ہے کئی جگہوں پر تعمیراتی کاموں کے دوران متبادل انتظام نہ کرنے کی وجہ سے ٹریفک جام ہے جب کہ ٹریفک پولیس حسب روایت سڑکوں سے غائب ہے۔

Print Friendly, PDF & Email

Comments

comments

یہ بھی پڑھیں