The news is by your side.

Advertisement

پیپلزپارٹی کی16 اکتوبرریلی،ٹریفک پولیس کا متبادل راستوں کا اعلان

کراچی : پیپلزپارٹی کی سولہ اکتوبرکی ریلی کے حوالے سے ٹریفک پولیس نے شہر میں ٹریفک کی روانی کیلئے متبادل راستوں کا اعلان کردیا۔

تفصیلات کے مطابق کراچی ٹریفک پولیس نے پیپلزپارٹی کی سولہ اکتوبر کو ہونے والی ریلی کے پیشِ نظر ٹریفک کی روانی کیلئے متبادل راستوں کا اعلان کردیا، ریلی کے دوران شاہرا ہ قائدین سے ڈرگ روڈ تک ٹریفک اتوار کو عام پبلک کے لیے بند رہے گا، بلاول ہاؤس سے ریلی شروع ہوکر شارع فیصل پر اختتام پزیر ہوگی۔

ppp11

ڈی آئی جی ٹریفک پولیس کے مطابق ڈیفنس، کلفٹن سے ایئرپورٹ کیلئے ہینوچورنگی روڈ، کورنگی انڈسٹریل ایریا روڈ، شاہ فیصل کالونی برج استعمال شارع فیصل سے ایف ٹی سی برج اور کورنگی روڈ استعمال کیا جائے۔

گلشن اقبال سے کلفٹن کیلئے شہید ملت روڈ، ہینو چورنگی جبکہ شہری ایئرپورٹ سے صدر کیلئے ڈرگ روڈ، راشد منہاس روڈ، اسٹیڈیم روڈ، یونیورسٹی روڈ، پیپلز چورنگی سے کوریڈور تھری استعمال کریں۔

ناظم آباد، لیاقت آباد سے ایئرپورٹ جانے والے نیپا تا ڈرگ روڈ استعمال کریں، کلفٹن، ڈیفنس سے جناح اسپتال کیلئے چوہدری خلیق الزمان روڈ استعمال کیا جائے، ضیا الدین اسپتال جانے کے لیے سی ویو روڈ اور چائنہ چورنگی کا روٹ استعمال کیا جائے گا۔ ساؤتھ سٹی اسپتال جانے کے لیے بحریہ انڈر پاس کا روٹ استعمال کیا جاسکتا ہے ۔

سول اسپتال جانے کے لیے بوہرہ پیر اور چاند بی بی روڈ کا استعمال کرسکتے ہیں، لیاقت نیشنل اور آغا خان اسپتال جانے کے لیے یونیورسٹی روڈ، نیو ٹاؤن روڈ کو استعمال کیا جاسکتا ہے ۔

ایسٹ و ملیر سے آنے والے ڈرگ روڈ سے راشد منہاس روڈ استعمال کریں جبکہ کینٹ اسٹیشن جانے کیلئے شہید ملت، ہینو چورنگی، کورنگی روڈ، سن سیٹ بلیوارڈ، پنجاب چورنگی، سب میرین سے دائیں جانب خلیق الزماں روڈ سےکینٹ اور ضیاالدین روڈ، پی آئی ڈی سی شاہین کمپلیکس، آئی آئی چند ریگرروڈ سے سٹی اسٹیشن پہنچیں۔

کینٹ اسٹیشن جانےکیلئےصدر زینیب مارکیٹ، آواری اور فاطمہ جناح روڈ کا استعمال بھی کیا جاسکتا ہے، کسی بھی پریشانی یا ٹریفک جام کی صورت میں ٹریفک پولیس ہیلپ لائن ون نائن ون فائیو پرکال کریں۔

Comments

comments

یہ بھی پڑھیں