The news is by your side.

Advertisement

کراچی: ٹریفک پولیس کا کریک ڈاؤن،64 بس ڈرائیورز گرفتار

کراچی: ٹریفک پولیس نے کاروائی کرتے ہوئے 64 بس ڈرائیورز کو گرفتار کرلیا ، ٹریفک پولیس حکام کا کہنا ہے کہ کریک ڈاؤن گاڑیاں تیز چلانے اور ریس لگانے والوں کے خلاف کیا گیا ہے۔

تفصیلات کے مطابق ٹریفک پولیس نے شہر بھر میں کریک ڈاؤن کا آغاز کردیا گیا ہے، کریک ڈاؤن کے دوران 64 بس ڈرائیورز کو گرفتار کرکے گاڑیاں ضبط کرلی گئیں ہیں۔

ٹریفک پولیس حکام کا کہنا ہے کہ کریک ڈاؤن گاڑیاں تیزچلانے اور ریس لگانے والوں کے خلاف کیا جارہا ہے،  ایک روزمیں فٹنس سرٹیفکیٹ نہ ہونے پر ایک سو اٹہتر گاڑیاں ضبط کرکے مقدمات درج کرلئے گئے ہیں۔

حکام کا کہنا ہے کہ گرفتار ڈرائیورز کو قانونی چارہ جوئی کیلئے پولیس کے حوالے کردیا ہے جبکہ گرفتار ڈرائیوروں کے خلاف مقدمات بھی درج کر لئے گئے ہیں اور انہیں آج عدالتوں میں پیش کیا جائے گا۔

واضح رہے کہ ٹریفک پولیس کی جانب سے یہ کاروائی ٹریفک حادثات میں طالبات سمیت پانچ افراد کی ہلاکت کے بعد شروع کی گئی ہے۔

یہاں پڑھیں:کراچی: یونیورسٹی روڈ پر بس لوگوں پر چڑھ دوڑی، 4 افراد جاں بحق

جمعرات کے روز گلشن اقبال بیت المکرم مسجد کے قریب ایک تیز رفتار بس نے اسٹاپ پر کھڑے لوگوں پر چڑھ دوڑی تھی ، جس کے پیشں نظر حادثے میں 4 افراد جاں بحق اور 11 زخمی ہوگئے تھے۔

یہاں پڑھیں:کراچی : پٹیل پاڑہ میں مسافر بس نے طالبعلم کو کچل دیا

گذشتہ روز بھی  ایک افسوناک واقعے میں مسافر بس نے پٹیل پاڑہ میں ایک طالبعلم کو کچل دیا تھا۔

Print Friendly, PDF & Email

Comments

comments

یہ بھی پڑھیں