site
stats
سندھ

مشتعل افراد کا ٹریفک پولیس اہلکاروں پر تشدد کپڑے بھی پھاڑدیئے

کراچی : دکاندار ٹریفک پولیس اہلکاروں پر ٹوٹ پڑے، اہلکاروں کے کپڑے بھی پھاڑدیئے، اے آر وائی نیوز نے فوٹیج حاصل کرلی،تشدد کرنے والے افراد کو پولیس نے دھرلیا۔

تفصیلات کے مطابق صدر کے علاقے زینب النساء اسٹریٹ پر دکان داروں نے چالان کرنے پر ٹریفک پولیس اہلکارکوتشدد کانشانہ بنا ڈالا۔


کراچی کا علاقہ صدر فوارہ چوک افطار سے کچھ دیر پہلے میدان جنگ بن گیا۔ ٹریفک سیکشن کے اہلکار اویس کا کہنا ہے کہ ایک دکاندار کا چالان کیا تھا جس پر دیگر دکاندار مشتعل ہو گئے۔

ٹریفک اہلکار ملک اظہر نے بیچ بچاؤ کی کوشش کی تو اس پر بھی تشدد کیا گیا۔ دوسری جانب زیرحراست ملزم نے کہا کہ اس نے تو صرف دھکے دیئے تھے، باقی سب نے مار کٹائی شروع کر دی۔

پولیس کے مطابق ٹریفک پولیس اہلکاروں پرتشدد کے خلاف آرٹلری میدان تھانے میں مقدمہ درج کرلیا گیا ہے، ایف آئی آر میں ٹریفک پولیس چوکی میں ڈکیتی ،توڑ پھوڑ، اہلکاروں پرتشدد اور کار سرکار میں مداخلت کی دفعات شامل کی گئی ہیں۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top