کراچی : کراچی ٹرانسپورٹ اتحاد نے پٹرولیم مصنوعات کی قیمتوں میں اضافہ واپس لینے کا مطالبہ کرتے ہوئے حکومت کو دھمکی دے دی۔
تفصیلات کے مطابق کراچی ٹرانسپورٹ اتحاد نے حکومت سے پٹرولیم مصنوعات کی قیمتوں میں اضافہ واپس لینے کا مطالبہ کردیا۔
کراچی ٹرانسپورٹ اتحاد نے پٹرولیم مصنوعات کی قیمتوں میں اضافہ واپس نہ لینے پر گاڑیاں کھڑی کرنے کی دھمکی دے دی اور کہا پبلک ٹرانسپورٹ بند ہونے کی ذمہ دارنگران حکومت ہوگی۔
گذشتہ روز پیٹرولیم مصنوعات کی قیمتوں میں اضافے کے بعد پاکستان ریلوے نے ڈیڑھ ماہ میں تیسری بار کرایے بڑھا دیے تھے، کرایوں میں پانچ فیصداضافہ کیا گیا ہے۔
دوسری جانب آئل ٹینکر زایسوسی ایشن نےملک بھرمیں ہڑتال کردی ہے، ٹینکرزمالکان نے اندرون شہرترسیل کےکرایے میں سو فیصد اور دور دراز علاقوں کیلیےپچاس فیصد اضافے کامطالبہ کیا ہے۔
Comments
- Advertisement -
