The news is by your side.

Advertisement

کراچی:ٹرانسپورٹرز کا پبلک ٹرانسپورٹ کھولنے کا مطالبہ

کراچی: کراچی ٹرانسپورٹ اتحاد کا کہنا ہے کہ پبلک ٹرانسپورٹ کھولنے پرکوئی پیش رفت نہیں ہوئی، ایس او پیز کے تحت پبلک ٹرانسپورٹ چلانے کی اجازت دی جائے۔

تفصیلات کے مطابق کراچی ٹرانسپورٹرز اتحاد نے صوبائی حکومت سے شہر میں ٹرانسپورٹ کھولنے کا مطالبہ کرتے ہوئے کہا کہ کاروباری مراکز کھول دیےگئے،ٹرانسپورٹ بند ہے۔

کراچی ٹرانسپورٹ اتحاد کا کہنا تھا کہ سندھ حکومت نے ایس او پیز تیار کرنے کا وعدہ کیا تھا،پبلک ٹرانسپورٹ کھولنے پرکوئی پیش رفت نہیں ہوئی،ایس او پیز کے تحت پبلک ٹرانسپورٹ چلانے کی اجازت دی جائے۔

اے آر وائی نیوز کے مطابق جمعہ، ہفتہ، اور اتوار کو تمام مارکٹیں بند رہیں گی، اس سلسلے میں سندھ حکومت کی جانب سے نوٹی فکیشن جاری کیا گیا ہے۔وزیر اعلیٰ سندھ نے بھی عوام سے گھروں تک محدود رہنے کی اپیل کر دی۔

لاک ڈاؤن میں نرمی ختم، 3 دن سخت لاک ڈاؤن ہوگا

یاد رہے کہ 4 روز قبل محکمہ داخلہ سندھ کی جانب سے جاری نوٹفکیشن میں کہا گیا تھا کہ صبح 6 بجے سے شام 4 بجے تک کاروبار کھول سکتے ہیں۔

نوٹیفکیشن میں کہا گیا تھا کہ صوبے بھر میں پیر سے جمعرات تک کاروبار کی اجازت ہوگی، عوام کی نقل وحرکت پر شام 5 بجے سے صبح 6 بجے تک پابندی ہوگی۔

fb-share-icon0
Tweet 20

Comments

comments

یہ بھی پڑھیں