کراچی(16 جنوری 2026): شہر قائد میں سپر ہائی وے پر نامعلوم گاڑی کی ٹکر سے 2 افراد جاں بحق اور ایک شخص زخمی ہوگیا۔
ریسکیو حکام کے مطابق حادثہ نامعلوم گاڑی کی موٹر سائیکل کو ٹکر کے باعث پیش آیا جاں بحق اور زخمی ہونے والے افراد کو چھیپا ایمبولینس کے ذریعے عباسی اسپتال منتقل کردیا گیا۔
ریسکیو حکام کا کہنا ہے کہ جاں بحق اور زخمی ہونے والے افراد کی شناخت نہیں ہو پائی ہے، دوسری جانب راولپنڈی میں تیز رفتار ڈمپر نے 2 موٹر سائیکلوں کو ٹکر مار دی۔
حادثے میں 18 سال کی لڑکی جاں بحق ہوگئی جبکہ موٹر سائیکل سوار باپ اور بیٹی شدید زخمی ہوگئے۔ حادثے کے بعد ڈمپر کا ڈرائیور فرار ہوگیا۔ پولیس اس حوالے سے مزید تفتیش کر رہی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں