تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

کراچی، پولیس اہلکاروں پر تشدد کرنے والے 2 افراد گرفتار

کراچی: شہر قائد کے علاقے مومن آباد میں پولیس اہلکاروں پر تشدد کرنے والے 2 افراد کو گرفتار کرلیا گیا۔

اے آر وائی نیوز کی رپورٹ کے مطابق اورنگی ٹاؤن کے علاقے مومن آباد میں پولیس اہلکاروں پر تشدد کی ویڈیو سامنے آنے کے بعد پولیس نے 2 افراد کو گرفتار کرلیا۔

مشتعل شہریوں کا کہنا تھا کہ پولیس اہلکار بلا اجازت گھروں میں داخل ہوئے تھے۔

پولیس کا کہنا ہے کہ ملزمان نے گزشتہ روز اہلکاروں کو یرغمال بنا کر تشدد کیا تھا، گرفتار ملزمان کا تعلق منظم جرائم پیشہ گروہ سے ہے۔

پولیس کے مطابق تھپڑ مارنے والا ملزم تاحال گرفت میں نہیں آسکا ہے جبکہ گرفتار دونوں ملزمان کا کرمنل ریکارڈ بھی چیک کیا جارہا ہے۔

ذرائع کا کہنا ہے کہ مومن آباد پولیس نے اعلیٰ افسران کو آگاہ کیے بغیر کارروائی کی تھی، اعلیٰ افسران کو آگاہ نہ کرنے پر ایس ایچ او مومن آباد کو شوکاز نوٹس جاری کردیا گیا ہے۔

پولیس کا کہنا ہے کہ اہلکاروں پر تشدد کرنے والے ملزمان کے خلاف مقدمہ درج کرکے تحقیقات کا آغاز کردیا گیا ہے۔

واضح رہے کہ کراچی کے علاقے مومن آباد میں پولیس اہلکاروں پر تشدد کرنے کی ویڈیو گزشتہ روز سوشل میڈیا پر وائرل ہوئی تھی۔

Comments

- Advertisement -