جامعہ کراچی نے بی اے کے کل اور پرسوں ہونے والے امتحانی پرچے ملتوی کردیے
The news is by your side.

Advertisement

جامعہ کراچی نے کل اور پرسوں کے امتحانی پرچے ملتوی کردیے

کراچی : جامعہ کراچی کے تحت بی اے ریگولر اور پرائیوٹ امتحانات کے 20 اور 21 جنوری کو ہونے والے پرچے ملتوی کردیے گئے ہیں نئی تاریخ کا اعلان بعد میں کیا جائے گا۔

تفصیلات کے مطابق جامعہ کراچی کے تحت بی اے ریگولر اور پرائیوٹ امتحانات کے کل اور پرسوں ہونے والے پرچے ملتوی کر دیے گئے ہیں یہ پرچے بعد میں لیے جائیں گے جس کے لیے نئی تاریخوں کا اعلان نہیں کیا گیا ہے۔

جامعہ کراچی کے ناظم امتحانات کی جانب سے جاری کیے گئے اعلامیہ کے مطابق سخت سردی اور موسم میں تبدیلی کی وجہ سے انتظامیہ نے بی اے ریگولر اور پرائیوٹ امتحانات کے 21 جنوری اور 22 جنوری کو ہونے والے پرچے ملتوی کردیئے گئے ہیں، پرچوں کے لیے نئی تاریخ کا اعلان بعد میں کیا جائے گا۔


یہ بھی پڑھیں : موسمی تغیرات کے باعث تعطیلات میں ردوبدل ضروری ہوگیا؟


واضح رہے موسم سرما کی تعطیلات کے بعد تعلیم اداروں میں تدریسی عمل کا آغاز ہوتے ہی موسمِ سرما نے زور پکڑنا شروع کردیا ہے جب کہ بارشوں نے اس میں مزید اجافہ کردیا ہے جس کے باعث طالب علم، والدین اور اساتذہ کا مطالبہ ہے کہ تعلیم اداروں میں روایتی تعطیلات کے بجائے موسم کو دیکھتے ہوئے چھٹی کا اعلان کیا جائے۔

 

Comments

comments

یہ بھی پڑھیں