The news is by your side.

Advertisement

کراچی یونیورسٹی کے شعبہ تحقیق نے وزیراعلیٰ کے احکامات ہوا میں‌ اڑا دئیے

کراچی : جامعہ کراچی کے ریسرچ انسٹی ٹیوٹ نے وزیر اعلیٰ سندھ سید مراد علی شاہ کے احکامات نظر انداز کر دیں، ایچ ای جے اور کے آئی بی جی میں معمول کے سرگرمیاں جاری ہیں۔

تفصیلات کے مطابق کرونا وائرس کے پیش نظر سندھ حکومت اور وزیر اعلیٰ سندھ کی جانب سے تمام تعلیمی ادارے بند رکھنے کی سختی سے ہدایات کی گئی تھی تاکہ کرونا وائرس کی وبا کو پھیلنے سے روکا جاسکے لیکن جامعہ کراچی نے صوبائی حکومت کے احکامات ہوا میں اڑا دئیے۔

ایچ ای جے اور کے آئی جی میں معمول کی سرگرمیاں تاحال جاری ہیں دونوں اداروں کا عملہ مختلف امور کی انجام دہی کےلیے بھی بلایا گیا ہے۔

کراچی یونیورسٹی میں تدریسی اور غیر تدریسی سرگرمیاں تو معطل ہیں تاہم جامعہ کراچی کے ریسرچ انسٹی ٹیوٹ نے حفاظتی احکامات کو پیروں تلے روند دیا۔

ذرائع کا کہنا ہے کہ آئی سی سی بی ایس جامعہ کراچی میں بھی وزیراعلیٰ کے فیصلے پر عمل درآمد نہیں ہوسکا۔

مزید پڑھیں : کرونا وائرس:‌ سندھ کے تعلیمی ادارے یکم جون سے کھولنے کا اعلان، میٹرک کے امتحانات ملتوی

یاد رہے کہ سندھ حکومت نے کرونا وائرس کے پیش نظر تعلیمی اداروں کی تعطیلات کو 30 مئی تک بڑھانے کا اعلان کرتے ہوئے کہا تھا کہ سندھ حکومت نے کرونا کی وجہ سے گرمیوں کی تعطیلات قبل از وقت دے دیں جبکہ نویں اور دسویں جماعت کے 16 مارچ سے شروع ہونے والے امتحانات ملتوی کردیئے گئے ہیں۔

fb-share-icon0
Tweet 20

Comments

comments

یہ بھی پڑھیں