The news is by your side.

Advertisement

یونیورسٹی روڈ: پہلا حصہ تعمیر کے آخری مراحل میں

کراچی: شہر قائد کے یونیورسٹی روڈ پر گزشتہ چار ماہ سے جاری زیر تعمیر روڈ کا دوسرا ٹریک تکمیل کے آخری مراحل میں داخل ہوگیا ہے‘ منصوبے کے سبب ٹریفک جام روز کا معمول بن گیا تھا۔

تفصیلات کے مطابق یونیورسٹی روڈ حسن اسکوائر تا نیپا چورنگی پر گزشتہ چار ماہ سے جاری زیر تعمیر روڈ کا ایک ٹریک کی تکمیل کے بعد اب دوسرا ٹریک بھی تکمیل کے آخری مراحل میں داخل ہوگیا ہے، روڈ کارپیٹنگ کا کام جاری ہے، عین ممکن ہے ایک سے دو روز میں دونوں ٹریک مکمل ہوجائیں گے۔

  دوسری جانب صفورا چورنگی پر جو گزشتہ چار سالوں سے ٹوٹ پھوٹ کا شکار تھا، صفورا چورنگی کے اطراف گاڑیوں کی لمبی قطاری لگی نظر آتی ہیں، صفورا روڈ کا ایک ٹریک کے کچھ حصوں پر کارپیٹنگ جاری ہے، جبکہ دوسرے ٹریک پر بڑھے بڑھے گڑھوں کی وجہ سے شہریوں کو پریشانی کا سامنا ہے۔

محکمہ موسمیات کے اطراف نادرا آفس کی موجودگی کے سسب شہریوں کو صبح سویرے مذکورہ روڈ سے گزر ہوتا ہے، یہی نہیں یونیورسٹی کے طلباء بھی اسی روڈ سے تعلیم کے حصول کے لیے کراچی یونیورسٹی جاتے ہیں جس کے سببب روڈ کی تعمیر میں سست روی کی وجہ سے طلباء کو یونیورسٹی پہنچنے میں تاخیر کا سامنا رہتا ہے اور گرد اور دھوئیں کی کوفت سے گزرنا پڑتا ہے۔

طلباء اور محکمہ موسمیات کے رہائشیوں نے حکومت وقت سے اپیل کی ہے کہ مذکورہ روڈ کی تعمیر میں تیزی لائی جائے تاکہ شہریوں کو دہرے عذاب سے نجات مل سکے۔


یونیورسٹی روڈ بس حادثہ، ساتھی طلبا سراپا احتجاج


حکومت وقت کو چاہئے تھا کہ ایک ہی وقت میں تین سے چار مرکزی شاہراہوں پر ترقیاتی کام کے آغاز سے قبل کسی ایک کو ہنگامی بنیادوں پر مکمل کرلیا جاتا تو شہری ٹریفک جام کے عذاب سے بچ جاتے، تاہم اب تو ترقیاتی کام کا آغاز ہوچکا اب مذکورہ شاہراہیں بننے کے بعد ہی شہریوں کو ٹریفک جام کے عذاب سے نجات مل سکے

 واضح رہے کہ بجٹ  2013ء میں مذکورہ سڑکوں کی تعمیر کے لئے رقم مختص کی گئی تھی یہی نہیں  بجٹ دو ہزار سولہ کے بجٹ میں بھی 20 ارب روپے رکھے گئے تھے۔ تاہم حکومت سندھ کی جانب سے سڑک کی تعمیر کے لئے 2017ء کا انتخاب کیا گیا۔

 

Print Friendly, PDF & Email

Comments

comments

یہ بھی پڑھیں