کراچی (18 فروری 2026): شہر قائد میں ایک زخمی شخص کی کرسی پر بیٹھے بیٹھے موت واقع ہوئی ہے، جس کی شناخت کے لیے پولیس کوشاں ہے۔
کراچی کے علاقے یونیورسٹی روڈ پر نصیر ٹاور کے قریب سے ایک شخص کی لاش ملی ہے، پولیس کے مطابق جاں بحق شخص کے چہرے پر چوٹوں کے نشانات موجود ہیں، بہ ظاہر ایسا معلوم ہوتا ہے کہ متوفی کی موت کرسی پر بیٹھے بیٹھے واقع ہوئی ہے۔
ابتدائی شبہے کے مطابق جاں بحق شخص رات گئے کسی حادثے کا شکار ہوا اور زخمی حالت میں آ کر کرسی پر بیٹھ گیا، جہاں بیٹھے بیٹھے اس کی موت واقع ہو گئی۔
پولیس کے مطابق متوفی کے پاس سے ایسی کوئی دستاویز یا چیز برآمد نہیں ہوئی جس کی مدد سے اس کی شناخت ممکن ہو سکے، جس مقام سے لاش ملی وہ مبینہ ٹاؤن تھانے کی حدود میں آتا ہے، متعلقہ پولیس کو اطلاع دے دی گئی ہے۔
لاہور: فاطمہ جناح میڈیکل کالج کی چھت سے طالبہ نے چھلانگ لگادی
لاش کو قانونی کارروائی کے لیے جناح اسپتال منتقل کیا گیا ہے جب کہ واقعے کی مختلف پہلوؤں سے تحقیقات جاری ہیں۔
افضل خان اے آر وائی نیوز سے وابستہ کرائم رپورٹر ہیں