اداروں کی لڑائی میں کراچی پیاسا، پمپنگ اسٹیشن تاحال بجلی سے محروم -
The news is by your side.

Advertisement

اداروں کی لڑائی میں کراچی پیاسا، پمپنگ اسٹیشن تاحال بجلی سے محروم

کراچی : بجلی اور پانی کے اداروں کی لڑائی نے کراچی کو پیاسا کردیا۔ منگل کو بند ہونے والے واٹر پمپنگ اسٹیشن تیسرے دن بھی کرنٹ سے محروم ہیں۔

تفصیلات کے مطابق سمندر کے کنارے آباد کراچی شہر میں آسمان سے پانی بھی برس گیا لیکن انتظامی غفلت نے شہریوں کو پیاسا کردیا، اٹھائیس جون کو ہونے والی بارش محکمہ بجلی کےلئے درد سر بن گئی۔

شہر کو پانی سپلائی کرنے والے اکثر پمپنگ اسٹیشن پردو روز سے بجلی بند ہے، شہر کو دس کروڑ گیلن پانی کی فراہمی معطل ہوچکی ہے۔

مرکزی پمپنگ اسٹیشن دھابےجی، گھارو، پیپری اورحب پمپنگ اسٹیشن سے بجلی غائب ہے، برسات کے موسم میں بھی پانی کی پائپ لائنیں سوکھ گئیں۔

کے ایم سی کے پمپنگ اسٹیشن پر بجلی منگل کی سہ پہر سے بند ہے۔ انتظامیہ تاحال حرکت میں نہ آئی، صالح محمد پمپنگ اسٹیشن کی بجلی بحال ہی نہ ہوسکی۔

غوثیہ پمپنگ اسٹشن پر بھی واٹر بورڈ اور کے الیکٹرک حکام الزام تراشیوں بیان بازیوں میں مصروف ہیں، جونا مسجد لیاری کے پمپنگ اسٹیشن پر بھی اٹھائیس جون سے کرنٹ نہیں دوڑا۔

نیازی پمپنگ اسٹیشن کی بجلی بھی پہلی بارش کے بعد سے بحال نہ کی جاسکی، اداروں میں آپس کی چپقلش نے آدھے شہر کو پیاسا کر دیا اور سائیں سرکار کو فکر تک نہیں۔

 

Comments

comments

یہ بھی پڑھیں