کراچی کے مختلف علاقوں میں پانی کا بحران شدت اختیار کر گیا ہے۔
اے آر وائی نیوز کے مطابق اسکیم 33، صفورا، نارتھ ناظم آباد، گلبرگ، لیاقت آباد، گلشن اقبال، گلستان جوہر، فیڈرل بی ایریا میں پانی کا بحران ہے۔
ترجمان واٹر کارپوریشن کا کہنا ہے کہ نارتھ ایسٹ پمپنگ اسٹیشن کے 11 کی لائن پر کام جاری ہے، 48 انچ کی پانی کی لائن میں رساؤ کے باعث مرمتی کام کیا جارہا ہے۔
واٹر کارپوریشن کے مطابق شہر کو پانی سپلائی کرنے والے تین پمپ عارضی طور پر بند ہیں، دھابے جی پمپنگ اسٹیشن کا ایک پمپ بھی مرتی کام کے باعث بند ہے۔
واٹر کارپوریشن کی مین لائنیں بند ہونے سے واٹر ٹینکر سروس بھی معطل ہے، مرمتی کام کے باعث شہر میں 150 ایم جی ڈی پانی کی کمی ہے۔
ترجمان واٹر کارپوریشن کا کہنا ہے کہ لائنوں کی مرمت 10 گھنٹوں میں مکمل کرلی جائے گی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں