The news is by your side.

Advertisement

کراچی میں گرمی کی شدت میں اضافے کا امکان

کراچی: صوبہ سندھ کے دارالحکومت کراچی میں آج سے گرمی کی شدت میں اضافے کا امکان ہے، دن کے اوقات میں درجہ حرارت 42 ڈگری سینٹی گریڈ تک پہنچنے کا امکان ہے۔

تفصیلات کے مطابق محکمہ موسمیات کا کہنا ہے کہ صوبہ سندھ کے دارالحکومت کراچی میں آج سے گرمی کی شدت میں اضافے کا امکان ہے۔

محکمہ موسمیات کا کہنا ہے کہ 17 مئی تک موسم گرم اور کبھی شدید گرم رہے گا، دن کے اوقات میں درجہ حرارت 42 ڈگری سینٹی گریڈ تک پہنچنے کا امکان ہے۔ آج زیادہ سے زیادہ پارا 39 ڈگری سینٹی گریڈ تک پہنچنے کا امکان ہے۔

محکمہ موسمیات کے مطابق دن میں شمال مشرق سے ہوائیں چلنے کا بھی امکان ہے، سمندری ہوائیں 13 کلو میٹر فی گھنٹہ کی رفتار سے چل رہی ہیں۔

ہوا میں نمی کا تناسب اس وقت 66 فیصد ہے۔

یاد رہے کہ بحیرہ عرب کے جنوب مشرق میں ہوا کا شدید دباؤ سمندری طوفان میں تبدیل ہوچکا ہے۔

محکمہ موسمیات کا کہنا ہے کہ ہوا کا کم دباؤ کراچی سے 1440 کلومیٹر فاصلے پر ہے، ڈپریشن 16 مئی تک ٹراپیکل سائیکلون کی شکل اختیار کرسکتا ہے، ٹراپیکل سائیکلون کا رخ شمال مغرب کی جانب رہے گا۔

محکمہ موسمیات کی جانب سے سندھ کے ماہی گیروں کو گہرے سمندر میں جانے سے گریز کی ہدایت کردی گئی ہے۔

Comments

یہ بھی پڑھیں