کراچی میں آج بارش کی پیشگوئی -
The news is by your side.

Advertisement

کراچی میں آج بارش کی پیشگوئی

اسلام آباد : ملک بھر میں مون سون کےنئے سلسلے کی بپیش گوئی کردی ہے جبکہ محکمہ موسمیات نے کراچی میں بھی بارش کی نوید سنادی۔

ملک کے مختلف میدانی علاقے شدید گرمی کی لپیٹ میں ہیں تاہم سرگودھا، گوجرانوالہ، راولپنڈی،، کشمیر، اسلام آباد اور فاٹا کے بعض علاقوں میں تیز ہواؤں اور گرج چمک کے ساتھ بارش سے گرمی کا زور ٹوٹ گیا ۔

کراچی میں بڑھتی گرمی اور حبس نے شہریوں کو بے حال کردیا، سمندری ہوامنقطع ہونے کی وجہ سے آج شدید حبس رہے گا ، تاہم آج شام/رات میں بارش ہونے کا امکان ہے، اس وقت درجہ حرارت 36 ڈگری ہے جبکہ 38 ڈگری تک جانے کا امکان ہے۔

weather

دوسری جانب مون سون ہوائیں بتدریج ملک میں داخل ہو رہی ہیں اور آئندہ اڑتالس گھنٹے کےدوران ملک کےبیشتر علاقوں میں بارش کاامکان ہے۔

چیف میٹرولوجسٹ محمد ریاض کا کہنا ہے کہ بوندا باندی اور ہلکی بارش ہوسکتی ہے ، موسم ابر الود رہے گا۔

آئندہ 24 گھنٹوں میں ملک کے زیادہ تر علاقوں میں دن کے دوران موسم گرم اور شدید حبس رہے گا۔ تاہم آج (شام/رات) مکران، قلات، سبی، نصیرآباد ڈویژن میں اکثر مقامات پر جبکہ پنجاب (راولپنڈی، گوجرانوالہ، لاہور، سرگودھا، فیصل آباد، ساہیوال، بہاولپور، ملتان، ڈی جی خان ڈویژن)، اسلام آباد، سندھ (میرپور خاص، حیدر آباد، کراچی، سکھر، شہید بینظیر آباد ڈویژن)، خیبرپختونخوا (ہزارہ، مالاکنڈ، پشاور، کوہاٹ، مردان، بنوں، ڈی آئی خان ڈویژن)، فاٹا، کوئٹہ، ژوب ڈویژن، کشمیر اور گلگت بلتستان میں کہیں کہیں آندھی/تیز ہواؤں اور گرج چمک کے ساتھ بارش کا امکان۔ اس دوران چند مقامات پر موسلادھار بارش کا بھی امکان ہے۔

Comments

comments

یہ بھی پڑھیں