کراچی میں گرمی کی شدت آج بھی برقرار رہے گی۔
تفصیلات کے مطابق شہر قائد میں سمندری ہوائیں بحال ہیں لیکن ہوا میں نمی کا تناسب زائد ہونے کے باعث گرمی کی شدت زیادہ محسوس کیا جارہا ہے۔
محکمہ موسمیات کے مطابق آئندہ چند روز تک شہر کا موسم اسی طرح گرم اور مرطوب رہے گا، البتہ پارہ 36 سے 39 ڈگری تک ریکارڈ کیا جائے گا۔
محکمہ موسمیات کا کہنا ہے کہ آج شہر کا پارہ 39 ڈگری تک ریکارڈ کیا جاسکتا ہے لیکن نمی کا تناسب زیادہ ہونے سے گرمی کی شدت 45 ڈگری سینٹی گریڈ تک محسوس ہونے کا امکان ہے۔
محکمہ موسمیات کا کہنا ہے کہ جنوب مغربی سمت سے 18 کلو میٹر فی گھنٹہ کی رفتار سے ہوائیں چل رہی ہیں اور ہوا میں نمی کا تناسب 79 فیصد ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں