کراچی : درجہ حرارت 40ڈگری سینٹی گریڈ تک پہنچ گیا -
The news is by your side.

Advertisement

کراچی : درجہ حرارت 40ڈگری سینٹی گریڈ تک پہنچ گیا

کراچی : شہرِقائد میں شدید گرمی نے شہریوں کا برا حال کردیا ہے، درجہ حرارت چالیس ڈگری سے تجاوز کرگیا تو چرند پرند بھی بل بلا اٹھے، محکمہ موسمیات کا کہنا ہے گرمی کی شدت کل بھی برقرار رہے گی.

محکمہ موسمیات کے مطابق کراچی میں گرمی کی لہر آئندہ چوبیس گھنٹے تک جاری رہے گی، شہری گھروں سے نکلتے وقت احتیاط کریں، تاہم بڑھتی ہوئی گرمی سے ہیٹ اسٹروک کا خطرہ نہیں ہے.

محکمہ موسمیات کے ترجمان عبدالرشید کے مطابق موسم کی تبدیلی کی وجہ سے بحیرہ عرب میں ہوا کا دباؤ کم اور ہواؤں کا رخ تبدیل ہورہا ہے، جس کی وجہ سے آئندہ 3روزتک کراچی میں شدید گرمی ہوگی اوردرجہ حرارت 40ڈگری سینٹی گریڈ سے بھی بڑھ سکتا ہے لیکن اس کی شدت 43ڈگری سے ہوگی۔

عبدالرشید نے کہا ہے کہ گرمی کی لہر 2 اکتوبرتک جاری رہے گی تاہم ہوا میں نمی کا تناسب معمول کے مطابق رہے گا لیکن 2اکتوبر کے بعد موسم میں بتدریج تبدیلی آئے گی۔

محکمہ موسمیات کے مطابق ملک بھر میں سب سےزیادہ درجہ حرارت آج حیدرآباد میں سینتالیس ڈگری رہنے کا امکان ہے۔ جبکہ ملک کے بیشتر علاقوں میں آئندہ تین سے چارروز تک موسم گرم اور خشک رہنے کا امکان ظاہر کیا ہے.

ہیٹ اسٹروک سے بچنے کے لئے طبی ماہرین کے مشوروں پر عمل کریں، ٹھنڈا پانی پیتے رہیں، بلا ضرورت گھر سے نہ نکلیں۔

واضح رہے کہ رواں برس جون میں پڑنے والی شدید گرمی سے 12سو سے زائد افراد جاں بحق ہوگئے تھے۔

Comments

comments

یہ بھی پڑھیں