The news is by your side.

Advertisement

کراچی دبئی کو پیچھے چھوڑ دے گا، گورنر سندھ

کراچی: گورنر سندھ عمران اسماعیل نے پیش گوئی کی ہے کہ بنڈل آئی لینڈ بننے کے بعد شہریوں کو روزگار کے لیے دبئی جانے کی ضرورت نہیں پڑے گی۔

اے آروائی نیوز کی رپورٹ کے مطابق گورنر سندھ کا کہنا تھا کہ بنڈل آئی لینڈ کی تعمیر کے بعد کراچی دبئی کو پیچھے چھوڑ دے گا اور نوجوانوں کو روزگار کے لیے دبئی جانے کی ضرورت نہیں پڑے گی۔

عمران اسماعیل نے نوجوانوں کو مخاطب کرتے ہوئے کہا کہ ’بنڈل آئی لینڈ آپ کو روزگار کے مواقع فراہم کرے گا‘۔

گورنر سندھ کا کہنا تھا کہ کراچی دہشت گردی کی نذر رہا، ماضی میں ایک آواز پر پورا شہر بند ہوجاتا تھا مگر ہم نے اس آواز کو بند کردیا کیونکہ حکومت کراچی کی رونقیں واپس بحال کرنا چاہتی ہے۔

مزید پڑھیں: متنازع اتھارٹی نے جزائر پر کام شروع کر دیا

عمران اسماعیل کا مزید کہنا تھا کہ شہر قائد کو آپ لوگوں کے ساتھ مل کر صاف خود صاف کروں گا اور ہم کراچی کو ایک بار پھر چمکتا دھمکتا شہر بنائیں گے۔

واضح رہے کہ گورنر سندھ عمران اسماعیل نے اکتوبر میں اعلان کیا تھا کہ وزیر اعظم عمران خان کراچی کے جزائر پر 2 نئے شہر آباد کرنا چاہتے ہیں، بنڈل آئی لینڈ  منصوبہ وفاق کا نہیں بلکہ سندھ کا ہے جس سے یہاں پر ڈیڑھ لاکھ ملازمتوں کے مواقع پیدا ہوں گے‘۔

Comments

یہ بھی پڑھیں