The news is by your side.

Advertisement

دھابیجی پمپنگ اسٹیشن پر25 نومبر کو 12 گھنٹے کیلئے بجلی فراہمی معطل رہے گی

کراچی : واٹر بورڈ حکام نے مطلع کیا ہے کہ 25 نومبرکو دھابیجی پمپنگ اسٹیشن پر 12 گھنٹے کےلیے بجلی کی فراہمی معطل رہے گی۔

تفصیلات کے مطابق کراچی کو وسیع پیمانے پر پانی فراہم کرنے والے دھابیجی پمپنگ اسٹیشن پر ایک مرتبہ پھر بجلی کی فراہمی معطل رہے گی ایم ڈی واٹر بورڈ کی جانب سے 12 گھنٹے کےلیے بجلی کی معطلی کی وجہ بجلی کے الیکٹرک فیڈرز کی سالانہ مرمت کو بتایا جارہا ہے۔

ایم ڈی واٹر بورڈ کی جانب سے کہا گیا ہے کہ بجلی معطلی سے دھابیجی پمپنگ اسٹیشن کے 4 پمپ بند رہیں گے جبکہ شہر کو دیگر پمپس سے پانی کی فراہمی جاری رہے گی۔

واٹر بورڈ حکام کا کہنا ہے کہ ضلع شرقی، غربی، وسطی میں پانی کی فراہمی جزوی متاثر ہوگی، متاثرہ اضلاع میں 75 ملین گیلن پانی کم فراہم کیا جائے گا۔

ایم ڈی واٹر بورڈ نے گزارش کی ہے کہ جزوی طور پر متاثر ہونے والے اضلاع کے مکین احتیاطاً پانی ذخیرہ کرلیں۔

اس سےقبل بھی دھابیجی پمپنگ اسٹیشن پر بجلی کے بریک ڈاؤن کے سبب کراچی کو چوسنٹھ ملین گیلن پانی کی سپلائی معطل ہوگئی تھی۔

fb-share-icon0
Tweet 20

Comments

comments

یہ بھی پڑھیں