کراچی(8 مئی 2026): شہر قائد کے علاقے سولجر بازار نمبر 2 کے قریب ڈکیتی کے دوران ڈاکوؤں کی فائرنگ سے ایک راہگیر خاتون جاں بحق ہو گئی ہیں۔
پولیس کے مطابق 57 سالہ یاسمین نامی خاتون اس وقت گولی کا نشانہ بنیں جب ملزمان لوٹ مار کے بعد فرار ہو رہے تھے۔ ڈاکوؤں نے فرار ہوتے ہوئے اندھا دھند فائرنگ کی، جس کی زد میں آ کر خاتون شدید زخمی ہو گئیں۔
زخمی خاتون کو فوری طور پر طبی امداد کے لیے سول اسپتال منتقل کیا گیا، تاہم وہ زخموں کی تاب نہ لاتے ہوئے دم توڑ گئیں۔ پولیس نے واقعے کی تحقیقات شروع کر دی ہیں اور ملزمان کی تلاش جاری ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں