The news is by your side.

Advertisement

کراچی، مردہ قرار دی گئی خاتون غسل کے دوران زندہ ہوگئیں

کراچی: شہر قائد سے تعلق رکھنے والی خاتون غسل کے دوران اٹھ کھڑی ہوئیں جس کے بعد انہیں دوبارہ عباسی شہید اسپتال منتقل کردیا گیا۔

نمائندہ اے آر وائی نیوز سلمان لودھی کے مطابق رشیدہ بی بی کی عمر 50 برس ہے اور وہ گزشتہ ڈیڑھ سال سے فالج کے مرض میں مرض میں مبتلا ہیں، خاتون کو گزشتہ روز طبیعت خرابی کے باعث عباسی شہید اسپتال لایا گیا۔

ڈاکٹرز نے طبیعت اور ٹیسٹ کی رپورٹس کو دیکھتے ہوئے خاتون کو اسپتال میں ہی داخل کرنے کا مشورہ دیا۔

مزید پڑھیں: بھارت میں زندہ دفن کی گئی نومولود بچی روبہ صحت

آج صبح ڈاکٹرز نے غفلت کا مظاہرہ کرتے ہوئے خاتون کو بغیر معائنے کے مردہ قرار دیا اور اُن کا ڈیتھ سرٹیفیکٹ بھی جاری کیا، اہل خانہ نے رشیدہ بی بی کو غسل دینے کے لیے سرد خانے منتقل کیا اور انہیں تقریباً 20 منٹ تک مورگیج ہاؤس میں رکھا گیا۔

خاتون کو جب غسل دینے کے لیے لایا گیا اور جیسے ہی اُن پر گرم پانی ڈلا تو  وہ اٹھ کر کھڑی ہوگئیں جس کے بعد وہاں موجود خواتین نے خوف کی وجہ سے دوڑ لگا دی۔

اہل خانہ کے مطابق خاتون کو ہوش میں آنے کے بعد دوبارہ عباسی شہید اسپتال منتقل کردیا گیا۔

fb-share-icon0
Tweet 20

Comments

comments

یہ بھی پڑھیں