The news is by your side.

Advertisement

کراچی: مبینہ پولیس مقابلے میں 3 ڈکیت ہلاک

کراچی: شہر قائد میں پولیس اور ڈاکوؤں کے درمیان ہونے والے مبینہ پولیس مقابلے میں تین ڈکیت ہلاک جبکہ پولیس اہلکار زخمی ہوگیا۔

اے آر وائی نیوز کے مطابق رات گئے اورنگی ٹاؤن سیکٹر ساڑھے گیارہ میں ڈکیت واردات کی نیت سے گھوم رہے تھے کہ ان کی پولیس سے مڈبھیڑ ہوگئی، ڈکیتوں نے پولیس کو دیکھتے ہی فائرنگ کردی، پولیس کی جانب سے بھی جوابی فائرنگ کی گئی۔

پولیس کی مبینہ فائرنگ کے نتیجے میں تین ڈاکو مارے گئے، جن کی لاشوں کو اسپتال منتقل کیا گیا فوری طور پر ہلاک ڈکیتوں کی شناخت نہیں ہوسکی۔

پولیس کے مطابق ہلاک ملزمان سے دو پستول اور ایک موٹر سائیکل برآمد کی گئی، برآمد موٹر سائیکل کو سی پی ایل سی میں رپورٹ کردیا گیا ہے۔

یہ بھی پڑھیں: موٹروے پولیس نے لڑکی کے اغوا کی کوشش ناکام بنا دی

واضح رہے کہ شہر قائد میں ڈکیت بے لگام ہوچکے، آئے روز ملزمان کی جانب سے دوران ڈکیتی شہریوں کو زخمی وجاں بحق کرنے کی خبروں نے پولیس کو چکرا کر رکھ دیا ہے۔

گذشتہ روز کراچی موٹروے پولیس نے لیاری ایکسپریس وے پر لڑکی کے مبینہ اغوا کی کوشش کو ناکام بنادیا تھا، کار سوار ملزمان نے گل سکہ نامی بچی کو اغوا کرنے کی کوشش کی جس پر موٹروے پولیس نے حسن اسکوائر پر کارروائی کرتے ہوئے مبینہ اغوا کی کوشش کو ناکام بنایا۔

Comments

یہ بھی پڑھیں