The news is by your side.

Advertisement

کراچی:شارع فیصل پولیس کا اپارٹمنٹ میں سرچ آپریشن، زیر زمین چھپایا گیا اسلحہ برآمد

کراچی: شہر قائد میں شارع فیصل پولیس نے اپارٹمنٹ میں سرچ آپریشن کے دوران زیر زمین چھپایا گیا اسلحہ برآمد کر لیا۔

تفصیلات کے مطابق کراچی میں شارع فیصل پولیس نے اپارٹمنٹ میں گرینڈ سرچ آپریشن کے دوران 10 مشتبہ افراد کو گرفتار کر کے زیر زمین چھپایا گیا اسلحہ اور دیگر سامان برآمد کر لیا۔

ایس ایس پی ایسٹ تنویر عالم اوڈھو نے بتایا کہ برآمد کیے گئے اسلحے میں ایل ایم جی،مشین گن،شارٹ گن،12بور،ٹرپل ٹو رائفل شامل ہیں۔آپریشن کے دوران چھینی وچوری شدہ25 موٹرسائیکل،4 کاریں بھی برآمد ہوئی ہیں۔

تنویر عالم اوڈھو کا کہنا تھا کہ گرفتار ملزمان کو تھانے منتقل کر کے مقدمہ درج کر لیا گیا ہے۔

دوسری جانب کراچی کے علاقے گلستان جوہر موسمیات کے قریب 3 موٹر سائیکلوں پر سوار 5 مسلح ڈاکوگھر میں داخل ہوئے۔ڈاکوؤں نے اسلحے کے زور پر گھر والوں کو یرغمال بنا کر لوٹ مار کی۔

ڈاکو طلائی زیورات ،نقدی،پرائز بونڈ اور دیگر قیمتی اشیا لوٹ کر فرار ہوئے۔گھرمیں ڈکیتی کا مقدمہ سچل پولیس اسٹیشن میں درج کرلیا گیا۔

Comments

یہ بھی پڑھیں