The news is by your side.

Advertisement

مقامی نمائندوں کی خود مختاری کے بغیر کراچی کے مسائل حل نہیں ہوسکتے،وزیراعظم

اسلام آباد: وزیراعظم عمران خان کا کہنا ہے کہ مقامی نمائندوں کی خود مختاری کے بغیر کراچی کے مسائل حل نہیں ہوسکتے۔

تفصیلات کے مطابق وزیراعظم عمران خان نے کراچی کے مسائل حل کرنے سے متعلق بڑا فیصلہ کر لیا۔وزیراعظم نے اٹارنی جنرل کو سپریم کورٹ سے رجوع کرنے کی ہدایت کر دی۔

اٹارنی جنرل سپریم کورٹ میں دائر پٹیشن کی جلد سماعت کی استدعا کریں گے۔اٹارنی جنرل آرٹیکل 140اے کے تحت جلد سماعت کی استدعا کریں گے۔

وزیراعظم عمران خان کا کہنا تھا کہ مقامی نمائندوں کی خود مختاری کے بغیر کراچی کے مسائل حل نہیں ہوسکتے،کراچی کی مقامی حکومت کا مالی،سیاسی،انتظامی طور پر خود مختار ہونا ضروری ہے۔

اس سے قبل تحریک انصاف کے رہنما خرم شیر زمان کا کہنا تھا کہ وزیراعظم عمران خان کراچی میں بارش کے بعد پیدا ہونے والی صورت حال کا نوٹس لیں اور پاک فوج کو کراچی میں ریسکیو کی ہدایات دیں۔

خرم شیر زمان نے وزیر بلدیات سندھ ناصر حسین شاہ سے استعفیٰ کا مطالبہ کرتے ہوئے کہا تھا کہ صوبائی وزیر بلدیات دو دن میں سب سے نالائق اور ناکام وزیر ثابت ہوئے ہیں۔

Comments

یہ بھی پڑھیں