تازہ ترین

کراچی :وین میں آگ لگنے سے6 افراد جاں بحق

کراچی : شہرقائد کے علاقے گارڈن میں چڑیا گھر کے قریب وین میں آگ لگنے سے6 افراد جھلس کر جاں بحق جبکہ 4 افراد زخمی ہیں۔

تفصیلات کے مطابق کراچی کے علاقے گارڈن میں چڑیا گھر کے قریب وین میں آگ لگنے سے پکنک پر جانے والے6 افراد افراد جھلس کر جاں بحق ہوگئے۔

ریسکیو ذرائع کے مطابق حادثے میں جلھس کر4 افراد زخمی ہوگئےجنہیں فوری طور پر اسپتال منتقل کر دیا گیا ہے جہاں انہیں طبی امداد دی جارہی ہے۔

پولیس کے مطابق جاں بحق افراد میں محمدعلی،ان کی اہلیہ جبکہ سلیم،ان کے2 بچےاوربچی شامل ہے۔

پولیس کا کہنا ہے کہ لسبیلہ کےرہائشی افراد پکنک منانےہاکس بےجارہےتھے جبکہ وین میں آگ لگنےکا واقعہ سی این جی لیکیج کےباعث پیش آیا۔


ملتان، مسافر وین میں آگ لگنے سے 6 افراد جاں بحق، 24 زخمی


واضح رہے کہ گزشتہ ماہ ملتان میں ہیڈ محمد والا پر مسافر وین میں آگ لگنے سے 6 افراد جاں بحق اور 24 مسافر زخمی ہوگئے تھے، ہلاک و زخمی ہونے والوں کا تعلق ایک ہی خاندان سے تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

- Advertisement -