The news is by your side.

Advertisement

کراچی: فائرنگ کے مختلف واقعات میں 3 افراد زخمی

کراچی: شہر قائد میں فائرنگ کے مختلف واقعات میں لڑکی سمیت 3 افراد زخمی ہوگئے، فائرنگ سے زخمی ہونے والی لڑکی کی شناخت سکینہ دختر حامد کے نام سے ہوئی ہے۔

تفصیلات کے مطابق کراچی میں ملیر کے علاقے سعود آباد نادرا آفس کے قریب فائرنگ سے ایک شخص زخمی ہوگیا جسے طبی امداد کے لیے جناح اسپتال منتقل کردیا گیا۔ زخمی ہونے والے شخص کی شناخت 50 سالہ ملک بشیر احمد ولد ملک دیدار کے نام سے ہوئی ہے۔

دوسری جانب اختر کالونی کے علاقے کشمیر کالونی بابر چوک کے قریب فائرنگ سے ایک شخص زخمی ہوگیا جسے طبی امداد کے لیے جناح اسپتال منتقل کردیا گیا۔ زخمی ہونےو الے شخص کی شناخت 30 سالہ اللہ دتہ ولد واحد بخش کے نام سے ہوئی ہے۔

ادھر لانڈھی کے علاقے رزاق آباد میں فائرنگ سے 16 سالہ لڑکی زخمی ہوگئی جسے طبی امداد کے لیے جناح اسپتال منتقل کردیا گیا۔ زخمی لڑکی کی شناخت سکینہ دختر حامد کے نام سے ہوئی ہے۔

کراچی: فائرنگ کے واقعات میں نجی چینل کے اینکر سمیت پانچ افراد جاں بحق

یاد رہے کہ گزشتہ ہفتے شہر قائد کے مختلف علاقوں میں فائرنگ کے واقعات میں نجی چینل کے اینکر سمیت پانچ افراد جاں بحق ہوگئے تھے۔

Comments

یہ بھی پڑھیں