کرک:صوبہ خیبر پختونخواہ کے شہر کرک میں زہریلی لسی پینے سے متاثرہ افراد کی تعداد 30 ہوگئی۔
تفصیلات کے مطابق کرک میں تخت نصرتی کجےعلاقے گنڈیری خٹک میں زہریلی لسی پینے سے تیس سے زائد افراد متاثر ہوچکے ہیں، متاثرہ افراد میں زیادہ تر خواتین اور بچے شامل ہیں۔
ایم ایس ڈاکٹر قدوس نے بتایا کہ اب تک 20 متاثرہ افراد اسپتال لائے جا چکے ہیں۔
دوسری جانب اوکاڑہ میں مضر صحت دہی کھانے سے 3 بچوں سمیت 10 افراد کی حالت غیر ہوگئی۔ریسکیو اہلکاروں نے 10 افراد کو قریبی اسپتال منتقل کر دیا۔
اس سے قبل رواں سال مارچ میں لاڑکانہ کے گاؤں حبیب بگھیو میں ایک تقریب میں بریانی کھانے سے 168 افراد بیہوش ہوگئے تھے جن میں 6 بچے اور 20 خواتین بھی شامل تھے، تمام افراد کو فوری طبی امداد کے لیے چانڈکا میڈیکل اسپتال کے ایمرجنسی وارڈ میں منتقل کر دیا تھا۔
Comments
- Advertisement -
