The news is by your side.

Advertisement

کرک: خاتون نے بیلٹ باکس کو آگ لگادی

کرک: خیبرپختونخوا کے ضلع کرک میں پولنگ کے دوران ناخوشگوار واقعہ پیش آیا ہے۔

اے آر وائی نیوز کے مطابق کرک کے پولنگ اسٹیشن دبلی لواغر میں بیلٹ باکس کو آگ لگادی گئی ہے، جس سے بیلٹ باکس میں کاسٹ کیےگئے ووٹ جل گئے، افسوسناک واقعے کے بعد پولیس نے علاقےکوگھیرےمیں لےلیا ہے۔

ڈپٹی کمشنر کرک کی جانب سے جاری بیان میں بتایا گیا ہے کہ ابتدائی معلومات کے مطابق دبلی لواغر کے پولنگ بوتھ میں ایک خاتون نے اپنا بیلٹ پیپرجلانے کی کوشش کی ہے،انکوائری کر رہے ہیں کہ خاتون نے ایسا قدم کیوں اٹھایا؟

ڈپٹی کمشنر کرک کے مطابق ماچس کی آگ سے کچھ بیلٹ پیپرز کو نقصان پہنچا، سی سی ٹی وی کیمروں کی مدد سے خاتون کی شناخت کےبعد اسے گرفتار کر لیا گیا ہے، پولنگ اسٹیشن پر مکمل خیریت ہے، مزید انتخابی مواد کو نقصان نہیں پہنچا، پولنگ چند لمحوں کے بعد دوبارہ شروع ہوگئی ہے۔

یہ بھی پڑھیں: کے پی کے: بلدیاتی ضمنی انتخابات کیلئے پولنگ کا عمل جاری

واضح رہے کہ خیبرپختونخوا میں بلدیاتی انتخابات کے پہلے مرحلے میں امیدواروں کے انتقال اور ناخوشگوار واقعات کے باعث ملتوی ہونے والی نشستوں پر پولنگ اسٹیشنز پر دوبارہ پولنگ کا عمل جاری ہے۔

اے آر وائی نیوز کے مطابق پشاور، نوشہرہ، خیبر، مہمند، مردان، کوہاٹ، کرک، بنوں، لکی مروت، ڈی آئی خان، چارسدہ، بونیر اور باجوڑ میں ری پولنگ ہورہی ہے، ووٹنگ کا عمل بغیر کسی تعطل کے شام 5 بجے تک جاری رہے گا۔

Comments

یہ بھی پڑھیں