The news is by your side.

Advertisement

اپوزیشن عوام کو مسلسل گمراہ کرنے میں مصروف ہے، کرامت علی کھوکھر

لاہور: پاکستان تحریک انصاف کے رہنما ملک کرامت علی کھوکھر کا کہنا ہے کہ ملک گیر شجرکاری کا پروگرام” پلانٹ فار پاکستان“ عمران خان کا انقلابی اقدام ہے۔

تفصیلات کے مطابق پاکستان تحریک انصاف کے رہنما ملک کرامت علی کھوکھر نے کہا کہ بڑھتی ہوئی ماحولیاتی آلودگی اور موسمیاتی تبدیلیوں کو روکنے کے لیے بڑے پیمانے پر شجر کاری وقت کی اہم ترین ضرورت ہے۔

ملک کرامت علی کھوکھر نے کہا کہ ملک گیر شجرکاری کا پروگرام” پلانٹ فار پاکستان“ عمران خان کا انقلابی اقدام ہے۔

تحریک انصاف کے رہنما نے کہا کہ کہ ایل او سی پر بھارت جبکہ ایل او سی کے اندر ن لیگ اور پیپلز پارٹی ملک کے خلاف سازشوں میں مصروف ہیں۔

انہوں نے کہا کہ ماضی کے حکمرانوں کے پاس ملک کو مسائل سے نکالنے کے لیے کوئی پلان نہیں ہے، ابھی بھی اقتدار کی ہوس میں مبتلا بعض رہنما ملکی اداروں کے خلاف بیان بازی میں مصروف ہیں۔

ملک کرامت علی کھوکھر نے کہا کہ ملک کو درپیش مسائل سے نکالنے کے لیے وزیراعظم عمران خان اور ان کی ٹیم دن رات کوشاں ہے۔ انہوں نے کہا کہ ملک اب ترقی کی راہ پر چل پڑا ہے، کچھ ہی عرصے میں قوم ایک بڑی تبدیلی دیکھے گی۔

تحریک انصاف کے رہنما نے کہا کہ ملکی معاشی حالات بہتری کی طرف جا رہے ہیں ، اپوزیشن عوام کو مسلسل گمراہ کرنے میں مصروف ہے۔

Comments

comments

یہ بھی پڑھیں