ممبئی: بھارت کے مشہور فلمساز کرن جوہر نے پاکستانی گلوکار ابرار الحق کے گانے ”نچ پنجابن“ کے بعد ایک فلم کی کہانی چوری کرلی۔
سماجی رابطے کی ویب سائٹ ٹوئٹر پر وشال اے سنگھ مصنف نے دعویٰ کیا ہے کہ انہوں نے کرن جوہر کو جنوری 2020 میں فلم ”بنی رانی“ کے لیے ایک کہانی ارسال کی تھی، میں نے دھرما پروڈکشن کو معاون پروڈیوسر کے لیے کہانی ای میل کی تھی جس کا مجھے جواب بھی موصول ہوا تھا۔
وشال سنگھ نے کہا کہ پھر اچانک انہوں نے میری کہانی چرالی اور فلم ”جگ جگ جیو“ ریلیز کر دی۔ انہوں نے کرن جوہر کو مخاطب کرتے ہوئے کہ ”یہ ٹھیک نہیں ہے۔“
وشال سنگھ نے بطور ثبوت ای میل کا اسکرین شاٹ بھی اپنے سلسلہ وار ٹوئٹس میں منسلک کیا جس میں دیکھا جا سکتا ہے کہ ”بنی رانی“ کے لیے کہانی موجود ہے۔
Had registered a story.. #BunnyRani with @swaindiaorg in January 2020. I had officially mailed @DharmaMovies in February 2020 for an opportunity to co-produce with them. I even got a reply from them.
And they have taken my story.. and made #JugJuggJeeyo. Not fair @karanjohar.— Vishal A. Singh (@Vishal_FilmBuff) May 22, 2022
کچھ روز قبل پاکستانی گلوکار ابرار الحق نے ٹوئٹ کرتے ہوئے کہا تھا کہ میں نے کسی بھارتی فلم کو اپنا گانا ”نچ پنجابن“ فروخت نہیں کیا، گانا چوری کیے جانے پر میں اس کے خلاف ہرجانے کے لیے عدالت جانے کا مکمل حق رکھتا ہوں، کرن جوہر جیسے پروڈیوسر کو کسی کا گانا کاپی نہیں کرنا چاہیے۔
گلوکار نے انکشاف کیا تھا کہ یہ میرا چھٹا گانا ہے جو بغیر اجازت استعمال کیا گیا ہے۔
I have not sold my song “ Nach Punjaban” to any Indian movie and reserve the rights to go to court to claim damages. Producers like @karanjohar should not use copy songs. This is my 6th song being copied which will not be allowed at all.@DharmaMovies @karanjohar
— Abrar Ul Haq (@AbrarUlHaqPK) May 22, 2022
View this post on Instagram
