The news is by your side.

Advertisement

تیمور سے کتنا پیار کرتی ہوں وقت ثابت کرے گا، کرینہ کپور

ممبئی: بھارتی اداکارہ کرینہ کپور نے کہا ہے کہ وقت کے ساتھ خود ثابت ہوجائے گا میں کس طرح کی والدہ ہوں، بیٹے کی پیدائش کے بعد چھت پر کھڑی ہو کر لوگوں کو چیخ چیخ کر اپنی خوشی کا اظہار نہیں کرسکتی۔

بھارتی میڈیا کو انٹرویو دیتے ہوئے کرینہ کپور نے کہا کہ تنقید کرنا لوگوں کا کام ہے اور وہ اس کام سے باز نہیں آتے، تیمور سے کتنا پیار کرتی ہوں یا پھر کام عزیز ہے یہ میرا اپنا معاملہ ہے لوگ نہ جانے کیوں نجی زندگی میں دخل اندازی کر کے خوش ہوتے ہیں۔

انہوں نے کہا کہ تیمور سے کتنا پیار کرتی ہوں اور کس طرح کی والدہ ہوں یہ سب کو وقت کے ساتھ ساتھ معلوم ہوجائے گا، بیٹے کی پیدائش کے بعد اداکاری شروع کرنے پر بھی لوگوں نے تنقید کا نشانہ بنایا کیونکہ ریمارکس دینا اُن کا کام ہے۔

پڑھیں: ’’ بالی ووڈ کے نواب سیف علی خان کے ہاں چھوٹے نواب کی آمد متوقع ‘‘

کرینہ کپور نے کہا کہ مستقل تنقیدی باتوں سے افسوس ہوتا ہے یہ حق کسی کو نہیں پہنچتا کہ وہ مجھ سے میرے بارے میں سوال کرے، بچے پیدا کرنے اور اس کی پرورش کا تجربہ ہر عورت کا الگ الگ ہوتا ہے۔

یاد رہے سیف علی خان کی اہلیہ کرینہ کپور کے گھر بچے کی پیدائش کے بعد اداکارہ کے مستقبل کے بارے میں چہ مگوئیاں کی گئیں تھی تاہم کرینہ نے اپنی انتھک محنت سے اُن ساری باتوں کو غلط ثابت کردیا۔

Print Friendly, PDF & Email

Comments

comments

یہ بھی پڑھیں