ممبئی: بالی ووڈ اداکارہ کرینہ کپور بیٹے کی پیدائش کے بعد شوبز کی دنیا میں دوبارہ انٹری دینے کے لیے تیار ہیں اور وہ ایک بار پھر خوبصورت نظر آنے اور موٹاپا ختم کرنے کے لیے سخت محنت کررہی ہیں۔
تفصیلات کے مطابق بالی ووڈ اداکارہ کرینہ کپور کا شمار فلم انڈسٹری کی کامیاب ترین اداکارؤں میں ہوتا ہے انہوں نے متعدد فلموں میں اداکاری کے جوہر دکھائے اور اپنی صلاحیتوں کا لوہا منوایا۔
بالی ووڈ اداکارہ نے شادی اور پھر زچگی کے بعد فلم انڈسٹری سے کنارہ کشی اختیار کرلی تھی تاہم اب وہ ایک بار پھر سے انٹری کے لیے تیار ہیں، کرینہ کپور بیٹے کی پیدائش کے بعد بڑھنے والے وزن اور خود کو فٹ رکھنے کے لیے جم میں سخت محنت کررہی ہیں۔
کرینہ نے اضافی وزن گھٹانے کے لیے جم میں داخلہ لے لیا ہے، ورزش کے دوران اداکارہ کی کچھ ویڈیوز بنا کر انٹرنیٹ پر شیئر کی گئیں جو بہت مقبول ہوئی اور مداحوں نے کرینہ کے اقدام پر مسرت کا اظہار بھی کیا۔
ویڈیوز دیکھیں
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں