شوبز فنکاروں کی جانب سے اکثر اپنے بچپن کی تصاویر شیئر کی جاتی ہیں جنہیں مداحوں کی جانب سے بھی پسند کیا جاتا ہے۔
بالی ووڈ کی معروف اداکارہ کرینہ کپور نے فوٹو اور ویڈیو شیئرنگ ایپ انسٹاگرام پر اپنی بڑی بہن کرشمہ کپور کی 48ویں سالگرہ کے موقع پر ان کی بچپن کی تصویر شیئر کی جو سوشل میڈیا پر وائرل ہورہی ہے۔
کرینہ کپور نے کرشمہ کی بچپن کی تصویر شیئر کرتے ہوئے کیپشن میں لکھا کہ ’ہمارے خاندان کا فخر تمہاری یہ تصویر میری سب سے پسندیدہ ہے، آج سب بولو ہیپی برتھ ڈے ٹولولو۔‘
View this post on Instagram
اداکارہ کی جانب سے شیئر کی گئی اس تصویر کو مداحوں کی جانب سے پسند کیا جارہا ہے اور بالی ووڈ شخصیات سمیت مداح بھی کرشمہ کو سالگرہ کی مبارک باد دے رہے ہیں۔
واضح رہے کہ اس سے قبل بھی کئی بالی ووڈ فنکار اپنی بچپن کی تصاویر شیئر کرچکے ہیں جنہیں مداحوں کی جانب سے پسند کیا گیا تھا۔
