site
stats
انٹرٹینمںٹ

کرینہ کپور یونیورسٹی کے طالب علموں کو لیکچر دیں گی

ممبئی: بالی ووڈ اداکارہ کرینہ کپور برطانوی یونیورسٹی میں طالب علموں کی معاشرے میں اہمیت پر لیکچر دیں گی۔

تفصیلات کے مطابق کرینہ کپور کو بالی ووڈ انڈسٹری کی ایسی شخصیت ہیں جنہوں نے ہر قسم کا کردار بخوبی نبھایا اور اپنی کامیابیوں کے جھنڈے گاڑے، علاوہ ازیں وہ نجی زندگی میں بھی اپنے حسن اور خوبصورتی کو برقرار رکھنے کے لیے کافی جدوجہد کرتی رہتی ہیں۔

بالی ووڈ اداکارہ نے بیٹے تیمور کی پیدائش کے بعد بالی ووڈ انڈسٹری میں قدم رکھنے کے لیے جم جوائن کیا جہاں انہوں نے سخت ورزش کے بعد اپنے بڑھتے ہوئے وزن کو قابو کیا۔

مزید پڑھیں: بیٹے کی پیدائش کے بعد کرینہ انڈسٹری میں دوبارہ سکہ جمانے کے لیے تیار

بھارتی میڈیا کے مطابق کرینہ کپور کو برطانیہ کی یونیورسٹی ’درھم‘ نے لیکچر دینے کی دعوت دی ہے، وہ سالانہ تقریب میں طالب علموں کی معاشرے میں اہمیت پر خطاب کریں گی۔

کرینہ کپور طالب علموں کو معاشرے میں اپنا آپ منوانے اور کامیاب زندگی گزارنے کے طریقے بتائیں گی، یونیورسٹی انتظامیہ کا کہنا ہے کہ بالی ووڈ اداکارہ کی صلاحیتوں کو مدنظر رکھتے ہوئے انہیں دعوت دی گئی ہے۔

یہ بھی پڑھیں: کرینہ کپور کی جیکٹ، قیمت جان کر آپ دنگ رہ جائیں گے

واضح رہے کہ کرینہ کپور خواتین کے حقوق کے لیے عملی جدوجہد بھی کررہی ہیں، اس ضمن میں انہوں نے مختلف فلموں میں ایسے کردار ادا کیے جو خواتین کے ساتھ ہونے والی معاشرتی زیادتیوں کی عکاسی کرتا ہے۔

یاد رہے کہ کرینہ کپور آج کل اپنی نئی آنے والی فلم ’ویر دی ویڈنگ‘ کی شوٹنگ میں مصروف ہیں جس میں اُن کے ساتھ سونم کپور، سوریا بخشر، سمت ویاس بھی کردار ادا کرتے نظر آئیں گے، فلم رواں برس 18 مئی کو ریلیز کی جائے گی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top