The news is by your side.

Advertisement

کرینہ کپور نے ننھے بیٹے کی دلچسپ تصویر شیئر کردی

بالی ووڈ اداکارہ کرینہ کپور نے عالمی یوم یوگا کی مناسبت سے ننھے بیٹے جہانگیر علی خان عرف جے کی یوگا کرتے ہوئے دلچسپ تصویر شیئر کردی۔

بھارتی اداکارہ کرینہ کپور نے فوٹوز اینڈ ویڈیوز شیئرنگ ایپ انسٹا گرام پر اپنے بیٹے جہانگیر کی ایک تصویر کی جھلک دکھائی جس میں ننھے نواب کو یوگا کرتے دیکھا جاسکتا ہے۔

عالمی یوم یوگا کے موقع پر اداکارہ کی جانب سے شیئر کی گئی تصویر میں ننھے نواب کے ساتھ اس کی نینی بھی موجود ہے۔

سفید شرٹ اور سبز شارٹس میں ملبوس جہانگیر علی خان تصویر میں اپنے دونوں ہاتھ رنگین میٹ، جس پر جانوروں کی تصویریں بنی ہوئی ہیں، یوگا کی پوزیشن میں رکھے ہوئے ہیں۔

کرینہ نے تصویر کے کیپشن میں یوگا کی اہمیت پر زور دیتے ہوئے لکھا کہ ’توازن زندگی اور یوگا بہت ضروری ہے، عالمی یوم یوگا مبارک ہو، میرے جے بابا‘۔

واضح رہے کہ اس سے قبل گزشتہ برس کرینہ کپور نے عالمی یوم یوگا کے موقع پر سیف علی خان اور بڑے بیٹے تیمور کی ایک ساتھ یوگا کرتے تصویر شیئر کی تھی۔

Comments

یہ بھی پڑھیں