کارکنان کی گرفتاریوں پرمتحدہ قومی موومنٹ کا اعلامیہ جاری -
The news is by your side.

Advertisement

کارکنان کی گرفتاریوں پرمتحدہ قومی موومنٹ کا اعلامیہ جاری

کراچی : ایم کیو ایم کی جانب سے کارکنان کی گرفتاری سے متعلق ایک اعلامیہ جاری کیا گیا ہے، اعلامیہ کے مطابق آج شام حیدرآباد سے ایم کیوایم کے سابق سیکٹر ممبر رضا کو مارکیٹ ٹاور کے علاقے سے گرفتار کرلیا گیا۔ جمعرات کی شب رینجرز نے ملیر کے علاقے نصرت کالونی کا محاصرہ کیااورایم کیوایم کے چارکارکنوں کو گھروں پرچھاپے مارکر گرفتار کرلیا۔

گرفتار شدگان میں یوسی 12کے فائنانس سیکریٹری غلام سرور، عبدالقیوم، عبدالنعیم اورجنید قریشی شامل ہیں۔ عبدالقیوم اور عبدالنعیم دونوں بھائی ہیں جن کے ایک اوربھائی فہیم اجمیری پہلے ہی اسیر ہیں۔

علاوہ ازیں رینجرز نے لیاقت آباد یونٹ 165کے کارکن احتشام احمد کو کریم آباد میں ان کی باربی کیو شاپ سے گرفتار کرلیا۔ احتشام احمد ایم کیوایم کے ایک اورکارکن تنویراحمد کے بھائی ہیں جو پہلے ہی اسیر ہیں۔

رینجرزاور پولیس نے کورنگی ٹاوٴن یوسی 25 کے کارکن مرزا اظہر بیگ کو بھی آج علی الصبح ان کے گھرسے گرفتار کرلیا۔ پولیس اوررینجرز نے جمعرات کوعلی الصبح بلدیہ ٹاوٴن کے علاقے سعیدآباد کی یوسی 30 کے کارکن راوٴ شرا فت عدیل کو گرفتار کرلیا۔

بدھ 3 اگست کو پولیس اور رینجرز نے لانڈھی یوسی 6 کے کارکن کے پی محمد بشیر اوریوسی 4 کے کارکن ماجد علی خان کو گرفتار کرلیا جبکہ رینجرز نے منگل 2 اگست کو پاک کالونی سے یوسی 5 کے کارکنوں عمردرازخان اورمحمد کلیم خان کو گرفتار کرلیا۔

اس طرح گزشتہ چار روز کے دوران رینجرز اور پولیس ایم کیوایم کے 12 کارکنان وذ مہ داران کو گرفتارکرچکی ہیں جن میں سے سات کارکنوں کو صرف گزشتہ چوبیس گھنٹوں کے دوران گر فتار کیا گیا۔

 

Comments

comments

یہ بھی پڑھیں