The news is by your side.

Advertisement

وزیراعظم عمران خان نے مودی کو شکریہ ادا کرنے پر مجبور کردیا

نئی دہلی :بھارتی وزیراعظم نریندر مودی نے کرتاپورراہداری کھولنے پر وزیراعظم عمران خان کا شکریہ ادا کرتے ہوئے کہا پاکستانی وزیراعظم نے جذبات کو سمجھا اور عزت دی۔

تفصیلات کے مطابق بھارتی وزیراعظم نریندر مودی نے ڈیرہ بابا نانک میں کرتار پور راہداری چیک پوسٹ کے افتتاحی تقریب سے خطاب کرتے ہوئے کہا کرتارپور راہداری کھولنے پرپاکستان کے وزیراعظم عمران خان کا شکریہ ادا کرتا ہوں ، پاکستانی وزیراعظم نے بھارت کے جذبات کو سمجھا اورعزت دی۔

بھارتی وزیراعظم کا کہنا تھا کہ بابا گورونانک کی 550 ویں یوم پیدائش سے پہلے کرتارپور صاحب راہداری کا افتتاح ہمارے لئے بے حد خوشی کا باعث ہے۔

مودی کا کہنا تھا کہ کرتار پور راہداری کے افتتاح کے بعد دربار صاحب گرودوارہ میں اب سجدہ کرنا آسان ہوگا، سکھوں کے لئے کرتارپور راہداری اور چیک پوسٹ کا افتتاح دوہری خوشی ہوگی۔

یاد رہے وزیراعظم عمران خان سکھ مذہب کے بانی بابا گرونانک کےتاریخی جنم دن پر کرتارپور راہداری کا افتتاح کریں گے، پروقار تقریب کی تمام تر تیاریاں مکمل کرلی گئیں ہیں ، ڈی سی نارووال نے افتتاح کی خوشی میں ضلع بھر میں چھٹی کا اعلان کیا ہے، تاریخ میں پہلی بار سکھ زائرین نارووال میں اپنی مذہبی عبادت گاہ پر بغیر ویزے کےآ سکیں گے۔

مزید پڑھیں : وزیراعظم عمران خان آج تاریخی منصوبے کرتارپور راہداری کا افتتاح کریں گے

و اضح رہے کہ18 اگست 2018ء کو وزیراعظم عمران خان کی تقریب حلف برداری میں آرمی چیف نے سابق بھارتی کرکٹر نوجوت سنگھ سدھو کو کرتارپور راہداری کھولنے کی نوید سنائی تھی۔

بعد ازاں جذبہ خیرسگالی کے تحت 28 نومبر 2018ء کو وزیراعظم عمران خان نے کرتارپور راہداری کا سنگ بنیاد رکھا تھا اور پاکستان کی جانب سے سکھ برادری کے لیے شاندار انتظامات کئے گئے تھے۔

Comments

comments

یہ بھی پڑھیں