تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

پاکستان نے کرتارپور راہداری کے غلط استعمال سے متعلق بھارتی پروپیگنڈا مسترد کر دیا

اسلام آباد: پاکستان نے کرتارپور راہداری کے غلط استعمال سے متعلق بھارتی پروپیگنڈا مسترد کر دیا۔

تفصیلات کے مطابق بھارت نے ایک بار پھر پاکستان کی جانب سے کھولے جانے والے کرتارپور کوریڈور سے متعلق پروپیگنڈا شروع کر دیا ہے۔

دفتر خارجہ کے ترجمان نے ایک بیان میں کہا کہ کرتارپور کو کاروباری ملاقاتوں کے لیے استعمال کرنے کا بھارتی پروپیگنڈا بد نیتی ہے، یہ بھارت کی جانب سے من گھڑت اور دانستہ منفی مہم کا حصہ ہے۔

ترجمان نے بتایا اس پروپیگنڈے کا مقصد کرتارپور راہداری کے تاریخی اقدام کو نقصان پہنچانا ہے، امن کی راہداری بدنام کرنے کے لیے بھارت کی دانستہ کوششیں نئی بات نہیں ہے۔

دفتر خارجہ کے ترجمان نے کہا پاکستان اقلیتوں کے حقوق کو اوّلین ترجیح دیتا ہے، پاکستان میں ہر کمیونٹی کے مذہبی، مقدس مقامات کا تقدس یقینی بنایا گیا، پاکستان نے ابھی بیساکھی میلے میں 2 ہزار سے زائد یاتریوں کی میزبانی کی۔

ترجمان کے مطابق پاکستان میں زائرین کو مقدس مذہبی مقامات پر خراج عقیدت پیش کرنے کی سہولت دی گئی، دنیا بھر کی سکھ برادری مذہبی ہم آہنگی کے لیے پاکستانی کاوشوں کو سراہتی ہے۔

ترجمان نے مزید کہا کہ بھارت غلط بیانی کی بجائے مذہبی اقلیتوں کے تحفظ کے لیے اقدامات پر توجہ دے۔

Comments

- Advertisement -