The news is by your side.

Advertisement

کرتارپورراہداری سے ملکی معیشت پر مثبت اثرات مرتب ہوں گے: میاں اسلم

لاہور: وزیراطلاعات پنجاب میاں اسلم اقبال کا کہنا ہے کہ پاکستان میں تمام اقلیتوں کو مذہبی آزادی حاصل ہے، کرتارپورراہداری سے سکھ برادری کو مذہبی رسومات میں آسانی ہوگی۔

تفصیلات کے مطابق باباگرونانک کی سالگرہ کی تقریب میں وزیراطلاعات پنجاب کا میڈیا سے گفتگو کرتے ہوئے کہنا تھا کہ کرتارپورراہداری سے ملکی معیشت پر مثبت اثرات مرتب ہوں گے۔

انہوں نے کہا کہ ہمارے ملک میں تمام اقلیتوں کو کھل کر مذہبی رسومات ادا کرنے کا حق ہے، کرتارپورراہداری سے سکھ برادری کو مذہبی رسومات میں آسانی ہوگی۔

میاں اسلم کا کہنا تھا کہ سکھ یاتریوں کی آمد پر سیکیورٹی کے بہترین انتظامات کیے گئے ہیں، کرتارپورراہداری ملکی معیشت کے لیے معاون ثابت ہوگا، اسلام انسانیت سے محبت اور مساوات کا درس دیتا ہے۔

خیال رہے کہ کرتارپورراہداری کی افتتاحی تقریب نو نومبر کو ہوگی، جس میں وزیراعظم عمران خان اور آرمی چیف جنرل قمر جاوید باجوہ شرکت کریں گے، افتتاح کے بعد یہ پاکستان کا سب سے بڑا گردوارہ بن جائے گا۔

کرتارپور راہداری کی افتتاحی تقریب 9 نومبر کو ہوگی

دوسری جانب ننکانہ صاحب بابا گورونانک کے 550 ویں جنم دن کی 10 روزہ تقریبات کا آغاز ہو گیا ہے اور تقریبات میں شرکت کے لیے بھارت سے سکھ یاتری خصوصی بسوں کے ذریعے براستہ واہگہ بارڈر سخت سیکورٹی حصار میں گوردوارہ جنم استھان پہنچ گئے ہیں، جہاں ان کا استقبال متروکہ وقف املاک بورڈ اور ضلعی انتظامیہ نے پھولوں کے ہار پہنا کر کیا۔

fb-share-icon0
Tweet 20

Comments

comments

یہ بھی پڑھیں