ممبئی: بالی وڈ کے نامور اداکار کارتک آریان نے 2 دسمبر 2022 کو ریلیز ہونے والی فلم ’فریڈی‘ میں قاتل ڈینٹسٹ بننے کا تجربہ مداحوں کے ساتھ شیئر کر دیا۔
کارتک آریان نے آج اپنے ٹوئٹر اکاؤنٹ سے فلم کی شوٹنگ کے دوران کے چند لمحات شیئر کیے جن میں انہیں انتھک محنت کرتے ہوئے دیکھا جا سکتا ہے۔
قاتل ڈینٹسٹ کے لیے کارتک آریان نے نہ صرف اپنا وزن بڑھایا بلکہ ذہنی طور پر بھی اس میں مبتلا ہوئے۔
From gaining 14 kgs to going to a Clinic n learning skills frm dentist
Becoming #Freddy has been one never-forgettable journey for me.Pushing my boundaries mentally, physically to forget my real self n turn into Freddy. Glad to hv an amazing team fr dis challenging transformation pic.twitter.com/rQcgNJQZSI— Kartik Aaryan (@TheAaryanKartik) November 29, 2022
انہوں نے ویڈیو کے کیپشن میں لکھا: ’فلم میں 14 کلو وزن بڑھانےسے لے کر کلینک میں ڈینٹسٹ کا ہنر سیکھنے تک کا سفر ناقابلِ فراموش ہے۔ ذہنی اور جسمانی طور پر کردار میں مبتلا ہونے سے میں اپنا حقیقی کردار بھول چکا تھا۔‘
ویڈیو میں دیکھا جا سکتا ہے کہ کارتک آریان آہستہ آہستہ ڈینٹسٹ کے روپ میں تبدیل ہوتے ہیں۔ اداکار نے دندان سازوں سے تربیت لی۔ اس کے بعد انہوں نے چلنے اور برتاؤ کے ساتھ ساتھ اپنی باڈی لینگویج پر بھی کام کیا۔
View this post on Instagram
اس سے قبل کارتک آریان نے انسٹا گرام پر وزن بڑھانے سے قبل اور بعد کی تصویر شیئر کی تھی۔
کارتک آریان نے کیپشن میں لکھا تھا: ’دراصل یہی ’فریڈی‘ کی کہانی ہے جس نے مجھے جسمانی تناؤ اور کئی راتوں تک جگایا۔ شاذ و نادر ہی ایسے مواقع آتے ہیں جہاں ہمیں بالکل مختلف پہلو دکھانے کا موقع ملتا ہے۔‘
