کشمیرکازکیلئے مختلف ممالک میں نمائندے بھیجنے کا فیصلہ، 22 پارلیمنٹیرینزنامزد -
The news is by your side.

Advertisement

کشمیرکازکیلئے مختلف ممالک میں نمائندے بھیجنے کا فیصلہ، 22 پارلیمنٹیرینزنامزد

اسلام آباد : وزیراعظم نواز شریف نے مسئلہ کشمیر کو دنیا بھر میں بھرپور انداز سے اٹھانے کیلئے بائیس پارلیمنٹیرینز کواپنا نمائندہ نامزد کردیا۔ ان کا کہنا ہے کہ مسئلہ کشمیر حل نہ کرنا اقوام متحدہ کی مستقل ناکامی ہے۔

تفصیلات کے مطابق حکومت پاکستان نے کشمیر کاز کے لئے مختلف ملکوں میں نمائندے بھیجنے کا فیصلہ کیا ہے۔

وزیراعظم نوازشریف نے اس مقصد کے لئے بائیسں پارلیمنٹیرینز کواپنا نمائندہ خصوصی مقررکردیا ہے جو عالمی سطح پر مقبوضہ کشمیر میں بھارتی جارحیت کامعاملہ اٹھائیں گے اورعالمی برادری کو وادی میں ہونے والی انسانی حقوق کی خلاف ورزیوں سے بھی آگاہ کریں گے۔

انہوں نے اس عزم کا اعادہ کیا کہ مقبوضہ کشمیر کا معاملہ دبنے نہیں دیں گے۔ وزیر اعظم نوازشریف کا کہنا ہے کہ وہ ان کوششوں سےعالمی برادری کا اقوام متحدہ میں ضمیر جھنجوڑیں گے۔

علاوہ ازیں بلوچستان اسمبلی میں بھارتی وزیر اعظم نریندر مودی کے بیان کے خلاف مذمتی قرار داد بھی منظور کرلی گئی ہے، قرارداد کے متن میں کہا گیا ہے کہ بھارتی وزیر اعظم نریندرمودی کے بیان سے ثابت ہوگیا ہے کہ بھارت ہی بلوچستان میں دہشت گردی کروارہا ہے۔

 

Comments

comments

یہ بھی پڑھیں