کشمیر کمیٹی کی کارکردگی ناقص ہے، ریاستی ادارہ بنایا جائے، مشعل ملک -
The news is by your side.

Advertisement

کشمیر کمیٹی کی کارکردگی ناقص ہے، ریاستی ادارہ بنایا جائے، مشعل ملک

لاہور : کشمیری حریت رہنما یاسین ملک کی اہلیہ مشعل ملک نے پارلیمنٹ کی کشمیر کمیٹی کی کارکردگی کو ناقص قراردیتے ہوئے اسے ریاستی ادارہ بنانے کا مطالبہ کیا ہے۔

ان خیالات کا اظہارانہوں نے لاہورپریس کلب میں ہونے والی میڈیا ٹاک میں کیا۔ مشعل ملک نے لاہور پریس کلب کے کتاب میلے میں اسٹالز کا بھی دورہ کیا۔ اس موقع پر میڈیا سے گفتگو میں انہوں نے کشمیر کمیٹی پر عدم اعتماد کا اظہار کردیا۔

مشعل ملک کا کہنا تھا کہ کشمیر پالیسی کی مستقل بنیادوں پر بنانے کی ضرورت ہے اور کشمیر کمیٹی کو جارحانہ انداز میں کام کرنا چاہیئے۔

اہلیہ یاسین ملک نے کہا کہ مقبوضہ کشمیر میں نوجوان نسل بھارت کے نشانے پر ہے اوربھارت دنیا میں سب سے زیادہ ریاستی دہشت گردی کررہا ہے۔ کشمیری نوجوانوں پر بھارتی فوج کے مظالم کو دنیا کے سامنے بے نقاب کرنے کے لئے میڈیا اور طلبہ تنظیمیں مہم چلائیں۔

مزید پڑھیں : مودی کشمیر کا قصائی ہے، مشعال ملک

ان کا کہنا تھا کہ نریندر مودی کشمیریوں کے خون کا پیاسا ہے، انہوں نے بھارتی وزیر اعظم نریندر مودی کے کشمیریوں پر مظالم اور مقبوضہ کشمیر میں ہندوؤں کی آبادیاں بسانے کو بین الاقوامی قوانین کی خلاف ورزی قراردیا۔

Comments

comments

یہ بھی پڑھیں