site
stats
پاکستان

کشمیر کی ہرصورت حمایت جاری رکھیں گے: وزیراعظم

Kashmir Day
مسئلہ کشمیراقوام متحدہ کی قراردادوں کےمطابق حل ہوناچاہئے،صدر

اسلام آباد: وزیرعظم پاکستان شاہد خاقان عباسی کا کہنا ہے کہ بھارت نہتے کشمیریوں پر مظالم ڈھا رہا ہے‘ ان کی ہر صورت سیاسی،اخلاقی اورسفارتی حمایت جاری رکھیں گے۔ صدر ممنون حسین کا کہنا ہے کہ مسئلہ کشمیر کا اقوام متحدہ کی قراردادوں کے مطابق حل ہوناضروری ہے۔

تفصیلات کےمطابق یوم یکجہتی کشمیرپر وزیر اعظم ہاؤس کی جانب سے جاری کردہ پیغام میں شاہد خاقان عباسی کا کہنا تھا کہ مقبوضہ کشمیرمیں آزادی کی تحریک کودبانے کے لیے بھارت بے دریغ طاقت کا استعمال کررہا ہے۔

انہوں نے یہ بھی کہاکہ حریت قیادت کوہراساں کیا جارہا ہے جو کہ سیاسی اور سفارتی آداب کے منافی ہے۔وزیراعظم نے کہنا تھا کہ علاقائی اورعالمی امن کے لیے مسئلہ کشمیرکا فوری حل ضروری ہے۔

وزیراعظم نے اس موقع پر عالمی برادری کو مخاطب کرکے کہا کہ دنیا میں پائیدار امن کے قیام کے لیے بھارت کوانسانی حقوق کی خلاف ورزیوں سے روکا جائے۔ ان کا کہنا تھا کہ اقوام متحدہ کی سلامتی کونسل اپنی قراردادوں پرعمل درآمد کرنے میں ناکام رہی ہے۔

اس موقع پر صدرممنون حسین کا کا کہنا تھا کہ پاکستان اپنےکشمیری بھائیوں کی بھرپورحمایت کااعادہ کرتاہے‘ کشمیریوں کےحق خودارادیت کی منصفافہ جدوجہدجاری رکھیں گے۔

صدر ممنون حسین نے بھارتی فوج کی جانب سے جاری سنگین جرائم پر تشویش کا اظہار کرتے ہوئے کہا کہ مسئلہ کشمیراقوام متحدہ کی قراردادوں کےمطابق حل ہوناچاہئے۔

آج یوم یکجہتیِ کشمیرملی جوش وجذبے سے منایا جارہا ہے

یاد رہےکہ مقبوضہ کشمیر پر بھارت کے غاصبانہ قبضےکے خلاف اورمظلوم کشمیریوں سے اظہار یکجہتی کے لیے پاکستان سمیت دنیا بھرمیں یوم یکجہتی کشمیر آج منایاجارہا ہے۔پاکستان اور دنیاکےمختلف ممالک میں ریلیاں،احتجاج،مظاہرےاور سیمینارز ہوں گے،صبح دس بجےایک منٹ کی خاموشی اختیارکی جائےگی۔

پاکستان اورآزاد کشمیر کوملانے والےکوہالہ پُل پر انسانی ہاتھوں کی زنجیر بنائی جائےگی۔آج کے دن کنٹرول لائن پرانسانی ہاتھوں کی زنجیر بنانے کے ساتھ ساتھ اقوام متحدہ کے دفترمیں مسئلہ کشمیر کے حل کے لئے اقوام متحدہ کی اپنی ہی قراردادوں پرعملدرآمد کی یادداشت بھی پیش کی جاتی ہے۔

یوم یکجہتی کشمیر انیس سونوے سے ہرسال پانچ فروری کوملک بھرمیں جوش وخروش سے منایا جاتا ہے،اس دن کو منانے کا مقصد بھارتی مظالم کے شکارکشمیریوں کی حمایت کا دنیا بھر میں اعلان کرنا ہے۔

پاکستان کی اس بےلوث حمایت کو کشمیری رہنما بھی خراج تحسین پیش کرتے ہیں، آج کے دن پوری دنیا کے کشمیری حق خودارادیت کے لیے اقوام عالم کی جانب دیکھ رہے ہیں اورپاکستانی عوام اپنی سیاسی، سفارتی اور اخلاقی حمایت لیے ان کے شانہ بشانہ ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

loading...

Most Popular

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top