اسلام آباد: پاکستان سمیت دنیا بھر میں آج یوم استحصال کشمیر منایا جا رہا ہے۔
تفصیلات کے مطابق مقبوضہ کشمیر میں بھارت کے غیر قانونی اقدام کے 5سال مکمل ہو گئے، آج ملک بھر میں کشمیریوں سے اظہار یک جہتی کے لیے مظاہرے کئے جائیں گے۔
یوم استحصال کشمیرپر حریت رہنما یاسین ملک کی اہلیہ مشعال ملک نے ویڈیو پیغام جاری کیا ہے، جس میں انہوں نے کہا ہے کہ آج دنیا کے سامنے بھارتی نام نہاد جمہوریت کا چہرہ بے نقاب کرنا چاہتی ہوں۔
مشعال ملک نے کہا کہ آج کے دن 5 سال قبل بھارت نے مقبوضہ کشمیر سے 370 اور 35 اے ختم کردیا تھا، بھارت نے سید علی گیلانی سمیت بہت سے کشمیری رہنماؤں کو شہید کیا۔
اُنہوں نے کہا کہ میرے شوہر یاسین ملک کو مسلسل قید میں رکھا جا رہا ہے، بھارتی مظالم پر دنیا کو آنکھیں کھولنی چاہئیں۔
یوم استحصال پر مسلح افواج کی قیادت کا مقبوضہ کشمیر کے عوام سے اظہار یکجہتی
مشعال ملک کا مزید کہنا تھا کہ مقبوضہ کشمیر میں ہونے والے مظالم انسانی حقوق کی کھلی خلاف ورزی ہے، اقوام متحدہ اپنی قراردادوں کے مطابق مسئلہ کشمیرحل کرائے۔
