The news is by your side.

Advertisement

یوم استحصال کشمیر: صدر مملکت کل سینیٹ سے خطاب کریں گے

اسلام آباد: صدر مملکت ڈاکٹر عارف علوی کل ایوان بالا سے خطاب کے دوران مقبوضہ کشمیر میں مظالم سے متعلق اقوام عالم کی توجہ مبذول کرائیں گے۔

تفصیلات کے مطابق چئیرمین سینیٹ صادق سنجرانی کی زیر صدارت سینیٹ کا خصوصی اجلاس کل ہو گا۔صدر مملکت عارف علوی کل ایوان بالا سے خطاب کریں گے۔

ذرائع کا کہنا ہے کہ صدرِ پاکستان مقبوضہ کشمیر میں مظالم سے متعلق اقوام عالم کی توجہ مبذول کرائیں گے،مقبوضہ کشمیر میں انسانی حقوق کی خلاف ورزیاں خطاب کا حصہ ہوں گی۔

ایوان بالا کے اجلاس سے قائد ایوان،قائدحزب اختلاف اور پارلیمانی لیڈرز خطاب کریں گے۔اجلاس کے لیے یک نکاتی ایجنڈا رکھاگیا ہے۔خصوصی اجلاس میں بھارتی خلاف ورزیوں کے خلاف قرارداد منظور کی جائےگی۔

Comments

یہ بھی پڑھیں