The news is by your side.

Advertisement

مقبوضہ کشمیر کی صورتحال : عمران خان کی زیر صدارت وفاقی کابینہ کا اجلاس آج ہوگا

اسلام آباد : مقبوضہ کشمیر اور پاک بھارت سرحد کی موجودہ صورتحال کا جائزہ لینے کیلئے وزیراعظم عمران خان کی زیر صدارت وفاقی کابینہ کا اجلاس آج ہوگا، وزیر خارجہ شاہ محمود قریشی کابینہ کو بریفنگ دیں گے۔

تفصیلات کے مطابق وزیراعظم عمران خان کی زیر صدارت وفاقی کابینہ کا اجلاس آج ہوگا، اجلاس کا 9 نکاتی ایجنڈا جاری کردیا گیا ہے۔

کابینہ اجلاس میں مقبوضہ کشمیر اور پاک بھارت سرحد کی صورتحال کا جائزہ لیا جائے گا اور مقبوضہ کشمیر سے متعلق خصوصی کمیٹی کی تجاویز پیش کی جائیں گی۔

وزیر اعظم عمران خان کشمیر سے متعلق عالمی رہنماؤں سے روابط پر کابینہ کو اعتماد میں لیں گے، وزیر خارجہ شاہ محمود قریشی کشمیر سے متعلق پیشرفت اور وزارت مواصلات مراد سعید ایک سال کی کارکردگی پرکابینہ کو بریفنگ دیں گے۔

وفاقی کابینہ گزشتہ ای سی سی اور کمیٹی برائے نجکاری کے فیصلوں کی توثیق کرے گی، کم قیمت گھروں کے منصوبہ کے لیے5ارب روپے قرض کی منظوری اور پاک ترک اسٹرٹیجک اکنامک فریم ورک کی منظوری بھی ایجنڈے میں شامل ہے۔

مزید پڑھیں : فارن آفس میں کشمیر سیل قائم کرنے کا فیصلہ، پاک فوج کسی بھی جارحیت کا بھرپور جواب دے گی

اس کے علاوہ گھریلو تشدد سے بچاؤ اور تحفظ کا بل 2019ء، کرسچن شادی اور طلاق ایکٹ 2019ء منظوری کے لیے کابینہ اجلاس میں پیش کیا جائے گا۔ کابینہ اراکین عوامی مفادات کے اقدامات سے متعلق تجاویز پیش کریں گے۔

Comments

comments

یہ بھی پڑھیں